شەپۆلێکی بەفر و باران سنووری سۆران دەگرێتەوە

ئاڤا نیوز

 

شەپۆلێکی بەفربارین سنووری ئیدارەی سەربەخۆی سۆران دەگرێتەوە و تیمەکانیش خراونەتە ئامادە باشییەوە.

 

چیرۆکی سەرەکی: شەپۆلێکی بەفربارین قەزای چۆمان و ناحیەی حاجی ئۆمەرانی گرتووەتەوە، هاوکات چەندین کاتژمێرە تیمەکانی پاراستنی ڕێگاوبانی سۆران خەریکی پاککردنەوەی ڕێگای سەرەکی نێوان قەزای چۆمان و ناحیەی حاجی ئۆمەران-ن.

 

لێدوانی فەرمی: خەسرەو سادق، بەڕێوەبەری گشتیی چاککردن و پاراستنی ڕێگاوبانی سۆران بە ئاڤا میدیای ڕاگەیاند: لە شەوی ڕابردووە شەپۆلێکی بەفربارین سنووری باڵەکایەتی گرتووەتەوە و تیمەکانیان بەدرێژایی ڕێگای نێوان چۆمان - حاجی ئۆمەران کە بە ڕێگای سەرەکی هامڵتۆن ناسراوە، خەریکی کار کردنن.

 

زانیاریی زیاتر: تیمەکانی چاککردن و پاراستنی ڕێگاوبان بۆ کەمکردنەوەی کاریگەرییەکانی بەفر، خوێ بەسەر شەقامەکاندا دەڕژێنن.

 

ئەوەی پێویستە بیزانیت: زیاتر لە 20 سانتیمەتر بەفر لە سنوورەکە باریوە، تیمەکانیش بەبەردەوامی چاودێری ڕێگاکە دەکەن تا ڕێگری لە هەر ڕووداوێکی هاتووچۆ بکەن.