سەرۆكی شارەوانی ئیستانبوڵ سەردانی هەولێر دەكات

ئاڤا نیوز

 

لەسەر بانگهێشتی پارێزگاری هەولێر ئەكرەم ئیمام ئۆغڵوو، سەرۆكی شارەوانی ئیستانبوڵ، لە ئاییندەیەكی نزیكدا سەردانی هەولێر دەكات و لەگەڵ بەرپرسانی شارەکە کۆدەبێتەوە.

 

وێنە گەورەكە: ئومێد خۆشناو، پارێزگاری هەولێر لەمیانی بەشداری لە یەكەمین كۆبوونەوەی ئاشتی و هاوكاریی نێوان پارێزگار و سەرۆک شارەوانییەكانی شارەكانی ڕۆژهەڵاتی ناوەڕاست و باكووری ئەفریقا كە لە شاری ئیستانبوڵ سازكراوە و ماوەی دوو ڕۆژ بەردەوام دەبێت داوای لە سەرۆکی گەورە شارەوانی ئیستابوڵ کردووە سەردانی هەولێر بکات و ئەویش بانگێشتنامەکەی قبوڵ کردووە.

 

ڕاگەیێنراوی فەرمی: ئومێد خۆشناو پارێزگاری هەولێر لە پێگەی فەرمی خۆی لە تۆری کۆمەڵایەتی فەیسبووک ڕایگەیاند، "لە پەراوێزی كۆبوونەوەی پارێزگار و سەرۆك شارەوانییەكانی ڕۆژهەڵاتی ناوەڕاست و باكووری ئەفریقا، داوام لە بەڕێز ئەکرەم ئیمام ئۆغڵوو، سەرۆكی گەورە شارەوانی ئیستانبوڵ كرد، لە ئاییندەیەكی نزیدا سەردانی شاری هەولێر بکات، بەمەبەستی بەرەوپێشبردنی پەیوەندییەكانمان لەهەموو بوارەكاندا".

 

زانیاریی زیاتر: ئومێد خۆشناو لە كۆبوونەوەكە جەختی لەوەش كردووەتەوە كە هەرێمی كوردستان پەیوەندیی قووڵ و هەمەلایەنەی لەگەڵ توركیا هەیە و مەبەستیانە لە هەموو ئاستەكان پەیوەندییەكان پەرەپێبدەن.