وەزارەتی کارەبا: دۆخی کارەبای نیشتمانی ئاسایی بووەتەوە

ئاڤا نیوز

 

دوای ئەوەی بەرەبەیانی ئەمڕۆ بەهۆی گرفت لە دابینکردنی غاز بۆ وێستگەکانی کارەبا کوژانەوەی گشتیی ڕوویدا، وەزارەتی کارەبا ڕایگەیاند: ئێستا دۆخەکە ئاسایی بووەتەوە.

 

ڕاگەیێنراوی فەرمی: وەزارەتی کارەبا ڕایگەیاند: کاتژمێر 4:00 بەرەبەیانی ئەمڕۆ یەکشەممە 15-12-2024، بە هۆی گرفتی هەناردەی غاز، کوژانەوەی گشتیی کارەبا ڕوویدا، تیمەکانی کارەبا توانیویان کێشەکە چارەسەر بکەن و دۆخی کارەبا ئاسایی بووەوە.

 

لێدوانی فەرمی: سیروان محەممەد، وتەبێژی کارەبای سلێمانی بە ئاڤا نیوزی ڕاگەیاند: بەهۆی دابەزینی پەستانی غاز لە دانا غاز، کوژانەوەی گشتیی کارەبا لە تەواوی هەرێمی کوردستان ڕوویداوە، هاوکات پلێشەرەکانی غاز بەرزکراونەتەوە و دۆخەکە چارەسەر کراوە.

 

باکگراوند: ساڵی ڕابردووش لە ڕۆژی پێنجشەممە 30-11-2023، کارەبای نیشتمانیی تەواوی هەرێمی کوردستان کوژایەوە، دواتر وەزارەتی کارەبا ئاماژەی بەوەکرد: " بە هۆکاریکی تەکنیکی کوژانەوەی گشتی لە سیستمی کارەبا دروست بووە.