بژمێرەکانی سەرژمێریی گشتی داوای دامەزراندن دەکەن

ئاڤا نیوز

 

بژمێرەکانی پرۆسەی سەرژمیری داوای دامەزراندن دەکەن و دەستەی ئاماری هەولێریش پاڵپشتیی داواکەیان دەکات.

 

چیرۆکی سەرەکی: هەزاران بژمێر لە سەرتاسەریی هەرێمی کوردستان بەشدارییان لە پرۆسەی سەرژمێریدا کرد و بەشێکیان داوای دامەزراندن لە حکومەتی عێراق و هەرێمی کوردستان دەکەن.

 

لێدوانی فەرمی: دڵزار حەمەساڵح، بەڕێوەبەری ئاماری هەولێر بە ئاڤا نیوزی گوت: بژمێرەکانی سەرژمێری ئامادەترین کەسن بۆ دامەزراندن لەنێو وەزارەتەکان، هاوکات 85٪ بۆ 90٪یان ئامادەییەکی زۆرباشیان تێدایە لە هەموو بوارەکاندا، هاوکات دامەزراندیان سوودی بۆ وڵات دەبێت، بۆیە کە حکومەت دەفەتی دامەزراندنی دەبێت، ئەمانە باشترین کەسن.

 

لەلایەکی دیکەوە: گۆڤان عەبدوڵڵا، بەڕێوەبەری تواناسازی لە وەزارەتی پلاندانان بە ئاڤا نیوزی گوت: لە ئێستادا هیچ شتێک لەبارەی دامەزراندنی بژمێرەکانی سەرژمێرییەوە باسنەکراوە، هاوکات هەر دامەزراندنێک پیویستی ئەنجوومەنی وەزیران هەیە و لەوێوە بڕیارمان ئاڕاستە دەکریت، ئەگەر لە داهاتووش شتێکی لەم شێوەیە هەبێت ئەوا بژمێرەکان ئاگەدار دەکرێنەوە.