بەغدا گوژمەیەکی دیکەی پارەی بۆ مووچەی مانگی 11 نارد

ئاڤا نیوز

 

وەزارەتی دارایی عێراق یەکەم گوژمەى موچەى مانگى 11ی خستە سەر هەژماری بانکی هەرێمى کوردستان.

 

زانیاریی پەیامنێر: دەروون مەلا ناجی پەیامنێری ئاڤا لە بەغدا گوتی، "ئەمڕۆ بەغدا گوژمەیەکی دیکەی پارەی مووچەخۆران بۆ هەرێمی کوردستان خەرج کردووە و خراوەتەسەر هەژماری بانکی هەرێمی کوردستان، بڕیارە ئەو بڕە پارەیە بۆ مووچەی مانگی 11 خەرج بکرێت."

 

زانیاریی زیاتر: ئەو گوژمەیەی وەزارەتی دارایی عێراق بۆ هەرێمی کوردستانی خەرج کردووە زیاتر لە  630 ملیار دینارە.

 

لەلایەکی دیکەوە: بە گوێرەی ئەو زانیارییانەی دەست ئاڤا میدیا کەوتووە، وەزارەتی دارایی هەرێمی کوردستان گۆڕانکاریی لە لیستی مووچەی مانگی 12 دەکات و دووبارە ڕەوانەی بەغدای دەکاتەوە. 

 

باکگراوند: وەزارەتى دارایی هەرێمی کوردستان لەگەڵ ڕاگەیاندنى خشتەى مووچەى مانگى 10 ئەوەشی ڕاگەیاند، لەگەڵ گەیشتنى گوژمەی تەواوی پارەی مووچەخۆران ڕاستەوخۆ دابەشکردنى مووچەى مانگى 11دەستپێدەکات.