وەزیری بەرگریی ئیتاڵیا سەردانی هەولێر دەكات

ئاڤا نیوز

 

گویدۆ کرۆسێتۆ، وەزیری بەرگریی ئیتاڵیا سەردانی هەولێری پایتەختی هەرێمی كوردستان دەكات و لەگەڵ بەرپرسانی هەرێمی كوردستان كۆدەبێتەوە.

 

زانیاریی بەدەستهاتوو: بەپێی زانیارییەكانی ئاڤا میدیا، وا بریارە ئێوارەی ئەمڕۆ، گویدۆ کرۆسێتۆ، وەزیری بەرگری ئیتاڵیا بە سەردانێکی فەرمی بگاتە شاری هەولێر و لە فڕۆكەخانەی نێودەوڵەتیی هەولێر لەلایەن بەرپرسانی باڵای هەرێمی كوردستانەوە پێشوازیی لێ بكرێت.

 

زانیاریی زیاتر: وابڕیارە لە سەردانەكەیدا بۆ شاری هەولێر، وەزیری بەرگریی ئیتاڵیا هێز و ڕاوێژكارە سەربازییەكان و كونسوڵخانەی ئیتاڵیا لە هەرێمی كوردستان بەسەر بكاتەوە، هاوكات دیداری تایبەتیشی لەگەڵ بەرپرسانی باڵای هەرێمی كوردستان دەبێت.

 

باكگراوند: ئەمە دووەمین سەردانی گویدۆ کرۆسێتۆ، وەزیری بەرگریی ئیتاڵیایە بۆ هەرێمی كوردستان، یەكەمین سەردانی لە ڕۆژی 2-5-2023 بوو بۆ هەرێمی كوردستان.