چاکسازی لە تۆڕی ئاوی خواردنەوەی چەند گەڕەکێکی هەولێر دەکرێت

ئاڤا نیوز 

 

تۆڕی ئاوی خواردنەوەی ژمارەیەک لە گەڕەکانی هەولێر بەهۆی کۆنبوونیانەوە پێویستیان بە گۆڕانکاری هەیە، بۆ ئەو مەبەستە بەڕێوەبەرایەتیی ئاوی هەولێر پڕۆژەی دانان و گۆڕینی تۆڕی ئاوی گەڕەکەکانی ' سەفین، ڕزگاری، کرێکاران' جێبەجێ دەکات. 

 

چیرۆکی سەرەکی: پڕۆژەی دانان و گۆڕینی تۆڕی ئاوی ئەو گەڕەکانەی هەولێر لەلایەن تیمێک لە بەڕێوەبەرایەتیی ئاوی هەولێر ئەنجام دەدرێت لەسەر بودجەی پەرەپێدانی پارێزگای هەولێر پارەی پێویستی بۆ تەرخانکراوە.  

 

ڕاگەیێنراوی فەرمی: بەڕێوەبەرایەتیی ئاوى هەولێر، ڕایگەیاند: پڕۆژەی دانان و گۆڕینی تۆڕی ئاوی گەڕەکی ڕزگاری بۆڕى جۆرى ئەسیلین 110 ملیمى بە درێژى 1500 مەتری بۆ دابینکراوە، ماوەى تەواوبوونى پڕۆژەکە 180 رۆژە و بەشێکى کارەکانیشى تەواو کراون.

 

ئەوەی پێویستە بیزانیت: بە تەواوبوونی نۆژەنکردنی تۆڕی ئاوی ئەو گەڕەکانە زیاتر لە 300 هاوبەش سوودمەند دەبن، لەکاتی جێبەجێکردنی کارەکانی پڕۆژەکە بە تانکەر ئاو بۆ ئەو ماڵان دابین دەکرێت.