نێچیرڤان بارزانی سەردانی تورکیا دەکات

ئاڤا نیوز

نێچیرڤان بارزانی بۆ بەشداریکردن لە کۆڕبەندی دیپلۆماسیی ئەنتاڵیا سەرەتای مانگی داهاتوو سەردانی تورکیا دەکات.

 

بۆچی گرنگە: کۆڕبەندەکە لەلایەن وەزارەتی دەرەوەی تورکیا ساڵانە ڕێکدەخرێت، دروشمی ئەمساڵ بریتییە لە گەشەپێدانی ڕێگای دیپلۆماسی لە  وەختی ئاڵنگارییەکان و لە ماوەی 1 تا 3ی ئازار بەڕێوەدەچێت.

کێ بەشدارە: بەپێی ئەو لیستەی دەست ئاڤا نیوز کەوتووە، ژمارەیەک سەرۆک و وەزیرانی دەرەوەی وڵاتان بەشدارن، لەوانە سەرۆکوەزیرانی هەنگاریا و وەزیرانی دەرەوەی وڵاتانی کەنداو.

لە عێراقەوە: بەشداربووان بریتین لە نێچیرڤان بارزانی، سەرۆکی هەرێمی کوردستان، فوئاد حوسێن، وەزیری دەرەوە و قاسم ئەعرەجی، ڕاوێژکاری ئەنجوومەنی ئاسایشی عێراق.