تورکیا لە بواری پەروەردە هاوکاری سووریا دەکات

ئاڤا نیوز

 

وەزارەتی پەروەردەی تورکیا، هاوکاریی لە بواری پەروەردە پێشکەش بە قوتابخانەکانی سووریا دەکات، بەمەبەستی هەوڵدان بۆ دووبارە دەستپێکردنەوەی پرۆسەی خوێندن و فەراهەمکردنی ژیانێکی ئاسایی بۆ کەرتی پەروەردە لەو وڵاتە. 

 

وێنە گەورەکە: ئەم هاوکارییەی تورکیا لە چوارچێوەی دووبارە بوونیادنانەوەی سووریا و دەستپێکردنەوەی ژیانێکی ئاساییە، جگە لە وەزارەتی پەروەردە، بڕیاروایە تیمێکی شارەزا لە بوارەکانی وزە و سەرچاوە سرووشتییەکان، وەبەرهێنان، ئاو و کارەبای تورکیا لە داهاتوودا سەردانی سووریا بکەن، کە ئامانج لێی بووژانەوەی ئەو کەرتانەیە لەو وڵاتە.

 

ڕاگەیێنراوی فەرمی: وەزارەتی پەروەردەی تورکیا ڕایگەیاند، تورکیا هاوکاری پەروەدەیی بۆ چاککردنەوەی قوتابخانەکان، دابین کردنی کتێب و دروست کردنی قوتابخانەی نوێ  بۆ سووریا دابین دەکات.