شێخ مادیح شێخ عوسمانی بیارە لە بەریتانیاوە گەڕایەوە هەرێمی کوردستان

ئاڤا نیوز

 

شێخ مادیح شێخ عوسمانی بیارە ئەمڕۆ لەڕێگەی فڕۆکەخانەی نێودەوڵەتی هەولێر گەڕایەوە هەرێمی کوردستان  و لەلایەن موریدانی رێبازی ته‌سه‌وف و نه‌قشبه‌ندی  بە گەرمی پێشوازیی لێیکرا.

 

وێنە گەورەکە: دوای 40 ساڵ لە ژیانی پەناهەندەیی، شێخ مادیح نەقشبەندی، کوڕی یەکێک لە زانا و کەسایەتییە گەورەکانی کورد شێخ عوسمانی بیارە گەڕایەوە کوردستان و خەڵکێکی  زۆر  چوونە پێشوازی.

 

لێدوانی فەرمی: شێخ مادیح شێخ عوسمانی بیارە قسەی بۆ ئاڤا کرد و گوتی "هەرچەند لە نیشتیمان دوور بکەویتەوە، دواجار هەر دەبێت بۆی بگەڕێیتەوە، ئەوەتا دوای 40 ساڵ من گەڕامەوە کوردستان".  

ئەوەی پێویستە بیزانیت: شێخ عوسمانی بیارە کە دەکاتە باوکی شێخ مادیح توانی تورکیا بکاتە گەورەترین پێگەی خۆی بۆ بانگەوازی ئایینی ئیسلام، لەوێدا گەورەترین و بەهێزترین خانەقای بنیادنا و خەڵک و سەرۆک و ناوداران و زانایانی جیهان پۆل پۆل دەهاتنە خزمەتی و تەریقەت و  ئایینی خوای گەورەیان وەردەگرت.

 

باکگراوند: شێخ عوسمان لە پەیامێکیدا لە ساڵی 1992 گوتی: پێویسته‌ موریدانی رێبازی ته‌سه‌وف و نه‌قشبه‌ندی به‌ دڵسۆزی و لێبڕانه‌وه‌ ئایینی خوا ڕابگه‌یه‌نن، "پێویسته‌ موریدانی ئێمه‌ به‌ حیكمه‌ته‌وه‌ بجووڵێنه‌وه‌ و به‌ گرژی و توندی هه‌ڵسوكه‌وت له‌گه‌ڵ خه‌ڵكدا نه‌كه‌ن، نابێ به‌ هیچ شێوه‌یه‌ك قسه‌ گوتن و ته‌كفیر و فاسیقكردنی خه‌ڵكی بێت به‌ سه‌ر زارتان، یان له‌ ناو دڵتاندا جێگیر ببێ".