ڕوانگەی سووری: 300 چەکدار لە ماوەی کەمتر لە هەفتەیەک لە سووریا کوژراون

ئاڤا نیوز

 

بەپێ ڕاگەیێنراوێکی ڕوانگەی سووری، لە ماوەی کەمتر لە هەفتەیەک 300 کەس لە هێزە سەربازییەکان، چەکدارانی هێزە ئۆپۆزسیۆنەکان و ئەندامانی دەزگا هەواڵگرییەکان بەهۆی شەڕ و ئاڵۆزییەکانەوە لە سووریا کوژراون.

ڕاگەیێنراوی فەرمی: ڕامی عەبدولرەحمان، بەڕێوەبەری ڕوانگەی سووری بۆ مافی مرۆڤ ڕایگەیاند، "لە ماوەی کەمتر لە هەفتەیەک 300 کەس لە شارەکانی دێرەزوور، دیمەشق، حومس، حەما، لازقییە و تەرتوس کوژراون.

 

لەلایەکی دیکەوە: ئاژانی فەرمی  سانا بڵاویکردەوە: بڕیاری دەستگیرکردنی سەربازانی سەر بە رژێمی ئەسەد دەرچووە، بۆ ئەمەش پڕۆسەیەکی فراوان بۆ دەستگیرکردنیان لە شارەکانی دیمەشق، لازقییە و حەما دەستیپێکردووە، لە پرۆسەکەدا دەست بەسەر کۆمەڵێک چەک و ماددەی هۆشبەردا گیراوە.

 
باکگراوند: لە 8ـی دیسەمبەری ئەمساڵ دوای  53 ساڵ کۆتایی بە دەسەڵاتی خێزانی ئەسەد هات.