پەرلەمانتارێکی ئاکپارتی بۆ ئاڤا: چاوەڕێی پەیامی قەندیل دەکەین

ئاڤا نیوز

 

غالیب ئەنساریئۆغلو، پەرلەمانتاری ئاکپارتی بە ئاڤا میدیای ڕاگەیاند، لە دوای پەیامەکەی ئیمرالی، تۆپەکە لە مەیدانی دەم پارت و قەندیلە، هەنگاوی دوای پەیامەکەی ئیمرالی هەڵوێستی قەندیلە و چۆنیەتی وەڵامدانەوەی داواکاریەکەی ئەردۆغان و باخچەلییە بۆ دانانی چەک لەلایەن پەکەکەوە. 

 

وێنە گەورەکە: پرسی چارەسەری ئاشتەوایی کورد و تورک لە تورکیا و باکووری کوردستان پرسێکی گەرمە و سەرجەم هەنگاوەکانی لایەنەکان کاریگەریی لەسەر داهاتووی سیاسی کورد دەبێت لەو وڵاتە.

 

لێدوانی فەرمی: ئەنساریئۆغلو بە ئاڤا میدیای ڕاگەیاند: ئاکپارتی داوای کردووە کە پەکەکە چەک دابنێت، ئێستا ئەوەی چاوەڕی دەکرێت پەیامی قەندیلە، ئەگەر قەندیل وەڵامی نەرێنی بێت، بەڵام ئاکپارتی خۆی لێ بێبەری بکات، ئەوا دەسەڵات و دەم پارتی لەسەر مێزی دیموکراسی قسە لەسەر داواکراییەکان دەکەن.

 

ئەو پەرلەمانتارەی ئاکپارتی لە بارەی پرسی مافی کورد لە دەستووری نوێی تورکیا گوتی: ئەگەر دەم پارتی بەدەم داواکەی دەسەڵاتەوە بێت، ئەوا بەشدار دەبێت لە نووسینەوەی دەستووری دیموکراسی نوێی تورکیا.

 

زانیاریی بەدەستهاتوو: ئاڤا زانیوویەتی دەم پارتی دوای سەردانەکەی ئیمرالی داوای لە چاوپێکەوتنی لەگەڵ ئاکپارتی و پارتە سیاسییەکانی دیکە کردووە، بۆ ئەوەی لەسەر بنەمای چاوپێکەوتنەکەی ئۆجەلان لەگەڵ پارتەکانی دیکە تاوتوێی پرسی ئاشتەوایی کورد و تورک بکرێت.