ساڵی ڕابردوو 16 هەزار و 971 منداڵ لە هەولێر لەدایکبوون

ئاڤا نیوز

 

بەڕێوەبەری نەخۆشخانەی لەدایکبوونی هەولێر دوایین داتای لەدایکبوونی منداڵ لە نەخۆشخانەکە ڕادەگەیێنێت. بەڕێوەبەرایەتی نەخۆشخانەکە دەڵێت، هیچ نەشتەرگەرییەک لە پێناو بەروار و ڕۆژی خوازراو بۆ نەخۆشەکان ناکرێت.

 

وێنە گەورەکە: لە ماوەی ساڵی ڕابردوودا 81 هەزار و 547 نەخۆش سەردانی نەخۆشخانەی ئافرەتان و لەدایکبوونی فێرکاری هەولێریان کردووە. هاوکات 16 هەزار و 971 منداڵ بە منداڵبوونی سروشتی و نەشتەرگەری لەدایکبوون.

 

لێدوانی فەرمی: د. شادان شێروان حەیدەری، بەڕێوەبەری نەخۆشخانەی لەدایکبوونی هەولێر بە ئاڤا میدیای ڕاگەیاند: 10 هەزار و 788 منداڵ بەشێوەی ئاسایی لەدایکبوون، هاوکات شەش هەزار و 183 منداڵ بە نەشتەرگەری لەدایکبوون.

 

زانیاریی زیاتر: لەو ژمارەیە هەشت هەزار و 725 منداڵی کور و 8 و 246 منداڵی کچ لەدایکبوون، هاوکات پێنج هەزار و 623 نەشتەرگەری گەورە لە نەخۆشخانەکە کراوە و 36 هەزار و 332 منداڵ لە ماوەی ساڵێکدا خەوێندراون، 32 هەزار و 516 منداڵیش لە بەشی منداڵە ناکامەکان خەوێندراون.

 

ئەمەش بزانە: لە نەخۆشخانەکە 61 هەزار و 303 سۆنار بۆ ئافرەتان کراوە، هاوکات 82 هەزار و 132 پشکنینی تاقیگەیی کراون و سێ هەزار و 304 تیشکیش گیراون.