لە زانکۆیەکی بەغدا چەند قوتابییەک بەدەستڕێژی گوللە بریندار بوون

ئاڤا نیوز

 

لە یەکێک لە زانکۆکانی بەغدا قوتابییەک دەستڕێژی گوللە دەکات بەنێو قوتابییانی زانکۆکەدا و بەهۆیەوە چەند کەسێک برینداردەبن، پۆلیس تەقەکەرەکەی دەستگیرکردووە.

 

چیرۆکی سەرەکی: نیوەڕۆی ئەمڕۆ یەکێک لە قوتابییەکانی زانکۆی ئیسرا، دەستڕێژی گوللە دەکات سەر قوتابییانی زانکۆکەدا، بەهۆیەوە سێ کەس برینداربوون و برینی یەکێکیان سەختە.

 

لێدوانی فەرمی: عەمید میقداد میری، گوتەبێژی وەزارەتی ناوخۆی عێراق ڕایگەیاند، فەرماندەیی پۆلیسی ڕەسافە بەزوویی گەیشتونەتە شوێنی ڕووداوەکە، توانیویانە تەقەکەرەکە دەستگیربکەن و لێکۆڵینەوەکانیان لەسەر رووداوەکە دەستپێکردوە.

 

ئەوەی پێویستە بیزانیت: بەپێی قسەی شایەتحاڵەکان، ڕووداوەکە بەهۆی کێشەیەکی کەسییەوە بووە لە نێوان قوتابییەکاندا، بەهۆیەوە شەڕ و دەمەقاڵێ دروستبووە و یەکێک لە قوتابییەکان تەقەی کردووە و لە ئەنجامیشدا کەس برینداربوون کە یەکێکیان پاسەوانی زانکۆکەیە.