سەبەتەی دەیەمی خۆراک دابەشدەکرێت

ئاڤا نیوز 

 

بەڕێوەبەرایەتیی بازرگانی کەلوپەلی خۆراکی هەولێر  سەرجەم بریکارەکانی خۆراک ئاگادار دەکاتەوە کە لە هەفتەی داهاتوو سەبەتەی دەیەمی 2024 دابەش بکەن.

 

ڕاگەیێنراوی فەرمی: بەرێوەبەرایەتیی بازرگانی کەلوپەلی خۆراکی هەولێر، ڕایگەیاند: سەرجەم بریکارەکانی خۆراک ئاگادار دەکەینەوە کە لە سەرەتایی هەفتەی داهاتوو واتا ڕۆژی یەکشەممە 12-1-2025 دەستدەکرێت بە ڕاگەیاندنی لیستی بریکاری خۆراکی سەبەتەی دەیەمی ساڵی 2024، وەرگرتنی پارەی  لیستی بریکاری لە بریکارەکانی خۆراک . 

لەلایەکی دیکەوە: بەڕێوەبەرایەتیی بازرگانی کەل و پەلی خۆراک، ئەم  داواکاریە لە بریکارەکان دەکرێت: 

-  لە بەیانیەوە دەتوانن سەردانی بانکی جنوب ئیسلامی بکەن بۆ ئەوەی پارە بخەنە سەر هەژماری ڤیزە کارتەکانیان.
- ئەو بریکارانەی تاوەکو ئێستا ڤیزە کارتی بانکی جنوب ئیسلامییان بۆ دەرنەچووە بەزووترین کات سەردانی بانکەکە بکەن، چونکە ڤیزە کارتێکی زۆر تەواو بووە. 

 

ئەوەی پێویستە بیزانیت: مادده‌كان پێكهاتوون له‌ برنج و شه‌كر و دۆشاو و زه‌یت و له‌تكه‌نۆك و نیسك، ماشى سه‌وز، لەساڵی 2024 بەڕێوەبەرایەتیی بازرگانی کەلوپەلی خۆراکی هەولێر، سیستمی پارەدانی کردۆتە ئەلیکترۆنی، دەبێت بریکارەکان لە ڕێگەی ڤیزە کارتەوە پارەی لیستی خۆراک بدەن، دواتر بەسەر هاونیشتمانیان دابەشی بکەن.