دەستبەسەرداگرتنی ئۆتۆمبێلی مەلیکە و شاهین بە كاتی ڕادەگیرێت

ئاڤا نیوز 

 

دوای خۆپێشاندان و گردبوونەوەی خاوەن ئۆتۆمبێلەکانی بیسەرەتاکانی جۆری مەلیکە و شاهین بڕیاردرا دەستبەسەرداگرتنیان بەشێوەیەکی بە كاتی ڕابگیرێت.

 

لێدوانی فەرمی: سوارە عومەر، نوێنەری خاوەن ئۆتۆمبێلە بێسەرەتاكان لە كۆنفڕانسێكی ڕۆژنامەوانیدا ڕایگەیاند: بافڵ تاڵەبانی، سەرۆکی یەکێتی نیشتمانی کوردستان، پێی ڕاگەیاندین بڕیاری قەدەغەكردنی ئۆتۆمبێلە بێسەرەتاكان بەشێوەیەکی کاتی ڕادەگیڕێت.

 

زانیاریی زیاتر: بڕیارەکە لە چەند خاڵێک پێکهاتووە کە ئەمانەن: 

1- ڕێوشوێنەكان بە كاتی ڕابگیرێن

2- سیستەمی دەزگای ئاسایش و هێزەكانی ناوخۆ وەك خۆی جێبەجێ بكرێن

3- لیژنەیەک بۆ چارەسەرکردنی کێشەکە پێكدەهێنرێت 

4 - ئەو ئۆتۆمبێلانەی لە ماوەی ڕابردوو دەستیان بەسەرداگیرابوو بدرێنەوە خاوەنەكانیان بەمەرجێک تاوانی پێ ئەنجام نەدرابێت.

 

5-ڕێگری بكرێت لە داخڵكردن و  هاوردەكردنی ئۆتۆمبێلی بێ سەرەتا لە هەرێمی كوردستان.

6- یاسا بەركارەكانی هەرێمی كوردستان بەسەر هەموو كەس و شۆفێر و ئۆتۆمبێلێكدا وەك خۆی جێبەجێ بكرێت بەبێ جیاوازی.

 

7- بەهیچ شێوەیەک ڕێگە نادرێت كڕین و فرۆشتن لە پێشەنگاكانی ئۆتۆمبێل بەو ئۆتۆمبێلە بێ سەرەتایانە بكرێت تا بڕیاری لیژنەكە دەردەچێت.

 

8- داوا دەكرێت كێشەی ئۆتۆمبێلە بێ سەرەتاكانی شارەكانی هەولێر و دهۆک و سۆرانیش چارەسەر بكرێت.