زێلێنسکی سوپاسی بایدن دەکات

ئاڤا نیوز

ڤۆلۆدیمیر زێلێنسکی، سەرۆکی ئۆکراینا، ڕایگەیاند لە ڕێگەی پەیوەندیی تەلەفۆنییەوە قسەی لەگەڵ جۆ بایدن، سەرۆکی ئەمریکا، کردووە. 

چیرۆکی سەرەکی: لە پەیوەندییە تەلەفۆنییەکەدا زێلێنسکی سوپاسی بایدنی کردووە بۆ "پشتیوانیی بەهێز"ی بایدن لە وڵاتەکەی لە کاتی شەڕی لەگەڵ ڕووسیادا.

ڕاگەیێنراوی فەریمی: ڤۆلۆدمیر زێلێنسکی لە تۆڕی کۆمەڵایەتیی ئێکس نووسیویەتی "سوپاس کرد بۆ پشتیوانیی بەهێزی بۆ سەربەخۆیی ئۆکراینا و بۆ ڕۆڵی گرنگی ئەمریکا کە لە یەکخستنی کۆمەڵگای نێودەوڵەتی گێڕای."

ئەوەی پێویستە بیزانیت: ڕۆژی 20-1-2025 دۆناڵد ترەمپ وەک سەرۆکی ئەمریکا دەستبەکار دەبێت و ترسی ئەوە هەیە یارمەتییەکانی ئەمریکا بۆ ئۆکراینا ڕابگرێت.