ئەردۆغان لە ئامەد: برایەتی کورد و تورک وەک دیجلە و فورات وایە

ئاڤا نیوز

 
ڕەجەب تەیب ئەردۆغان، سەرۆککۆماری تورکیا لە کۆنگرەی ئاکپارتی لە ئامەد، لەسەر پرسی ئاشتەوایی کورد و تورک چەند پەیامێکی بڵاوکردەوە و جەختی لە سەردەمی ئاشتەوایی تورکیا کردەوە بەوەی " برایەتی کورد و تورک وەک دیجلە و فورات وایە، لە دیوارەکانی ئامەد بەهێزتر و پێشکەوتووترە".

 

چیرۆکی سەرەکی: ئەمڕۆ شەممە ڕەجەب تەیب ئەردۆغان، سەرۆککۆماری تورکیا لە چوارچێوەی کۆنگرەی "هەشتەمی ئاکپارتی پارێزگاکان"دا سەردانی هەریەک لە ئامەد و ڕوهای لە باکووری کوردستانی کرد.

 

لێدوانی فەرمی: ڕەجەب تەیب ئەردۆغان گوتی: سەقامگیری ئامەد سەقامگیری تورکیایە، ئاشتەوایی ئامەد ئاشتەوایی تورکیایە.

-برایەتی کورد و تورک وەک دیجلە و فورات وایە، لە دیوارەکانی ئامەد بەهێزتر و پێشکەوتووترە.  
-ئیتر کاتی ئەوە هاتووە بە سەردەمی ناخۆشی تورکیا بڵێین، بوەستە. 
 - ئێمە تەنیا خۆشەویستی نا، بەڵکو کۆمەڵێک وەبەرهێنان و خزمەتگوزاری کە هێندەی ماف و ئازادی گرنگە پیشکەشی ئامەدمان کردووە.
-ئێمە لەیەکتر زیاتر کێمان هەیە، وەک نینۆک و گۆشت واین بۆ یەکتر، جیاکردنەوەی زوڵم نییە؟
- وەک چۆن سەدەیەک پێش ئێستا  لە پشت یەک وەستاین و وڵاتەکەمان لە دەستی ئیمپریالیستەکان ڕزگار کرد، ئێستاش پێکەوە سەدەی نوێی تورکیا بوونیاد دەنێین.

-لەبیرتان بێت، هەر وەک چۆن 81 پارێزگای تورکیا، تورکیا بەبێ ئامەد ناتەواو دەبوو، دیاربەکریش بەبێ تورکیا هەتیو دەبوو. ئێستا کاتی ئەوە هاتووە شتی نوێ بڵێین.