پەکەکە کشاندنەوەی گەریلاکانی لە ناوچەی زاپ ڕاگەیاند

ئاڤا نیوز

پەکەکە وەک هەنگاوێکی نوێ بۆ سەرخستنی پرۆسەی ئاشتی و دوای کشاندنەوەی هێزەکانی لە تورکیا و باکووری کوردستان، بۆ ڕێگەگرتن لە ئەگەری پێکدادان لەگەڵ سەربازانی تورکیا کشانەوەی گەریلاکانی لە ناوچەی زاپ لە قەزای ئامێدی باشووری کوردستان ڕاگەیاند.

چیرۆکی سەرەکی: بە مەبەستی سەرخستنی پرۆسەی ئاشتی لە هەنگاوێکی دیکە و بۆ ڕێگەگرتن لە ئەگەری پێکدادان لەگەڵ سوپای تورکیا، پەکەکە گەریلاکانی لە ناوچەی زاپ کشاندەوە.

ڕاگەیێنراوی فەرمی: پەکەکە لە ڕاگەیێنراوێکدا ئەمڕۆ دووشەممە ڕایگەیاندووە لە ئێوارەی دوێنێوە گەریلاکانیان لە ناوچەی زاپەوە کشاونەتەوە بۆ ئەو ناوچانەی ئەگەری پێکدادان لەگەڵ سوپای تورکیا لە ئارادا نییە.

زانیاریی زیاتر: پەکەکە لە ڕاگەیێنراوەکەدا سەرنجی خستووەتە سەر ئەوەی ئەم هەنگاوە وەک بە دەمەوەهاتنە بۆ داواکارییەکەی ئۆجەلان و پێداگیریئەوانیشە بۆ سەرخستنی پرۆسەی ئاشتی کە نزیکەی ساڵێکە لە تورکیا دەستی پێ کردووە.

باکگراوند: دوای ئەوەی ئۆجەلان لە 27.02.2025 داوای لە پەکەکە کرد خۆی هەڵبوەشێنێتەوە و چەک دابنێت، پەکەکە لە 12-5-2025 بەدەم داواکارییەکەی ئۆجەلانەوە هات، لە 11-7-2025 یەکەم گروپی گەریلاکانی پەکەکە بە شێوەی سیمبولی چەکەکانیان سووتاند و لە 26-10-2025ـیش بڕیاری کشانەوەی هێزەکانی لە تورکیا و باکووری کوردستان دا.