نێچیرڤان بارزانی و مەحموود مەشهەدانی جەخت لە چارەسەرکردنی کێشە هەڵپەسێردراوەکان دەکەنەوە

ئاڤا نیوز

 

لە چوارچێوەی به‌رنامه‌ى سەردانه‌كه‌يدا بۆ بەغدا، نێچيرڤان بارزانى، سەرۆکی هەرێمی کوردستان لەگەڵ مەحموود مەشهەدانی سه‌رۆكى ئه‌نجوومه‌نى نوێنه‌رانى عێراق، کۆبووەوە و جەخت لە بەهێزکردنی هاوکارییەکان کرایەوە بۆ چارەسەرکردنی کێشە هەڵپەسێردراوەکان بەپێی دەستووری عێراق کرایەوە. 

 

وێنە گەورەکە: لە کۆبوونەوەکەی نێوان سەرۆکی هەرێمی کوردستان و سه‌رۆكى ئه‌نجوومه‌نى نوێنه‌رانى عێراق‌، پەیوەندییەکانی هەرێمی کوردستان له‌گه‌ڵ ده‌سه‌ڵاته‌ فیدراڵییه‌کان تاوتوێ کرا و هەردوولا هاوڕا بوون له‌سه‌ر پێويستيى پەرەپێدانی هاريكاريى هاوبه‌ش، بە شێوەیەک کە یارمەتيی سەقامگیری و گەشەسەندن لە وڵاتدا بدات.

 

ڕاگەیێنراوی فەرمی: لە ڕاگەیێنراوەکەی سەرۆکایەتیی هەرێمی کوردستاندا هاتوو، نێچیرڤان بارزانی جەختی لەسەر گرنگيی ڕۆڵی ئەنجوومەنی نوێنەران لە بەهێزکردنی دیالۆگی نیشتمانی و دەستەبەرکردنی دادپەروەری و یەکسانی بۆ هەموو پێکهاتەکانی گەلی عێراق و چاره‌سه‌ركردنى كێشه‌كانى وڵات، به‌تايبه‌تى كێشه‌كانى هه‌ولێر ـ به‌غدا کردەوە.

 

هەر لە کۆبوونەوەکەدا سەرۆکی هەرێمی کوردستان داوای له‌ سه‌رۆکی ئه‌نجوومه‌نی نوێنه‌ران کرد له‌ هه‌موارکردنه‌وه‌ی یاسای بودجه‌ی فیدراڵیدا بۆ ساڵی 2025 ڕۆڵی خۆیان ببینن، به‌ جۆرێک که‌ دادپه‌روه‌ری له‌ ده‌ستبه‌رکردنی ماف و شایسته‌ داراییه‌کانی هه‌رێمی کوردستاندا بکات،‌ به‌تایبه‌تی پرسی دابینکردنی مووچه‌ی مووچه‌خۆرانی هه‌رێمی کوردستان، وه‌ک هه‌موو ‌عێراق.

 

لەلایەکی دیکەوە: له‌ ته‌وه‌رێكى ديكه‌ى كۆبوونه‌وه‌كه‌دا، هەردوولا پەرەسەندنەکانی دۆخی ناوچه‌كه‌ و گۆڕانگارييه‌كانى سووريايان تاوتوێ کردووە و جەختيان لەسەر گرنگيی هەماهەنگيی نێوان هەموو لایەنەکان بۆ ڕووبەڕووبوونەوەی ئاڵنگارييه‌كان كرده‌وه‌.