ئەنجوومەنی وەزیران لێبڕینی 1%ی مووچەی خانەنشینان ڕەتدەکاتەوە

ئاڤا نیوز 

 

بە بڕیاری ئەنجوومەنی وەزیرانی عێراق بڕیاری لێبڕینی 1%ی مووچە بۆ پاڵپشتی كردنى غەززە و لوبنان خانەنشینانی لێ بەدەر دەکرێت.
 
وێنە گەورەکە: بڕیاری لێبڕینی 1%ی مووچە ناڕەزایی بەرفراوانی خانەنشینانی لێکەوتەوە و ئەم بڕیارەیان بە ناڕەوا و چاوەڕواننەکراو زانی و پێیانوابوو ئەم بڕیارە کاریگەریی زۆریی لەسەر ئاستی ژیانیان دەبێت، بەتایبەتی کە لە ئێستادا بەدەست بەرزبوونەوەی نرخ و بارودۆخی سەختی ژیانەوە دەناڵێنن.

ڕاگەیێنراوی فەرمی: نووسینگەی ڕاگەیاندنی ئەنجوومەنی وەزیرانی عێراق ڕایگەیاند: لە کۆبوونەوەی ئەمڕۆی ئەنجوومەنی وەزیران دەنگ درا لەسەر هەڵاوێردکردنی خانەنشینان لە بڕیاری لێبڕینی بڕی 1%ی مووچە بۆ پاڵپشتی كردنى غەززە و لوبنان.
 
ئەوەی پێویستە بیزانیت: لە کۆبونەوەی ڕۆژی 19-11-2024ی ئەنجوومەنی وەزیرانی عێراقدا، بڕیاری لێبڕینی 1%ی مووچەی فەرمانبەران و خانەنشینان بەشێوەی ئارەزوومەندانە بۆ هاوکاری گەلی فەلەستین و لوبنان درا.