ئیلۆن مەسک سکاڵا لە خاوەنی ChatGPT تۆمار دەکات

ئاڤا نیوز

ئیلۆن مەسک، سکاڵا لەسەر بەڕێوەبەری جێبەجێکاری کۆمپانیای OpenAI و هاوبەشەکەی تۆمار دەکات، بەهۆی هەڵخەڵەتاندنی بەکارهێنەرانی ChatGPT کە ماڵپەڕێکی زانیارییە لەڕێی نووسین و دەنگەوە وەڵامی هەموو پرسیارێک دەداتەوە.

چیرۆکی سەرەکی: ئیلۆن مەسک، خاوەن کۆمپانیای تێسلا، ئێکس و سپەیس ئێکس، سکاڵا لەسەر سام ئاڵتمان، بەڕێوەبەری جێبەجێکاری کۆمپانیای OpenAI و بەڕێوەبەری جێبەجێکاری کۆمپانیاکە تۆمار کردووە و دەڵێت: کۆمپانیاکە خیانەتی لە بەڵێنەکانی کردووە کە کاردەکات بۆ سوودگەیاندن بە مرۆڤایەتی، لەکاتێکدا لە زیان زیاتر هیچ سوودێکی نەبووە؛ ئەمە لەپاڵ ئەوەی ملیاران دۆلاری بە هاوبەشیی لەگەڵ کۆمپانیای مایکرۆسۆف قازانج کردووە.

ئەوەی پێویستە بیزانیت: ئەو داواکارییەی مەسک لە سانفرانسیسکۆ تۆمارکراوە، هاتووە : ئاڵتمان و گرێگ برۆکمان هاوبەشی کۆمپانیای OpenAI سەرەتا بەڵێنیان داوە کۆمپانیایەکی سەرچاوە کراوە و قازانج نەویست دروست بکەن، بەڵام ئێستا دەبینین کۆمپانیاکە چۆن لە خەڵکی قازانج دەکات بەتایبەت لە ChatGPT.

ئەمەش بزانە: ماڵپەڕ یاخود بەرنامەیChatGPT  کە لەلایەن کۆمپانیای OpenAI خاوەندارییەتی دەکرێت، لە سەرەتای بڵاوبوونەوەیدا بە بەلاش بەکاردەهێنرا، بەڵام دوای ئەوەی لە مانگی 11-2022 دامەزرا و لەماوەی شەش مانگدا دەنگی دایەوە کرایە پارە؛ سکاڵاکەی مەسکیش لەم چوارچێوەیەوە خۆی دەبینێتەوە.