نوجەبا : دەستبەکاربوونی ترەمپ نامانترسێنێت

 

ئاڤا نیوز

بەبۆنەی دەستبەکاربوونی دۆناڵد ترەمپ وەک سەرۆکی ئەمریکا، بزووتنەوەی نوجەبا کە یەکێکە لە هێزەکانی "بەرەی مقاوەمەی ئیسلامی لەعێراق"  هەڵوێستی خۆی ئاشکرا دەکات و دەڵێت "ترەمپ نامانترسێنێت"

وێنە گەورەکە:  لەگەڵ گەڕانەوەی ترەمپ بۆ پۆستی سەرۆکایەتی ئەمریکا و دەستبەکاربوونی لەکۆشکی سپی، چاوەڕوانی گۆڕانکاری زۆر دەکرێت لەسەر ئاستی جیهان و ناوچەی ڕۆژهەڵاتی ناوەڕاست، لەسەر ئاستی عێراقیش هەڵوەشاندنەوەی گرووپەکانی "بەرەی مقاوەمە" یان چەک داماڵین لەو هێزانە قسەوباسی زۆری لە بارەوە دەکرێت.

لێدوانی فەرمی: عەلی ئەسەدی، سەرۆکی ئەنجوومەنی سیاسی بزووتنەوەی نوجەبا ڕایگەیاند: 

 

- هەموو جیهان ترسیان لە گەڕاندنەوەی ترەمپ بۆ سەرۆکایەتی ئەمریکا هەیە ، جگە لە بەرەی مقاوەمە نەبێت، چونکە ناتوانێت لەوە زیاتر بکات کە بە ئۆکەی بایدن لە ڕۆژهەڵاتی ناوەڕاست ڕوویدا، وەک کوشتنی هەنییە و نەسروڵڵا و وێرانکردنی ناوچەکە.

 

- ترەمپ لەم خولەی سەرۆکایەتییەکەی سەر قاڵی دۆخی ناوخۆ و ئابووری وڵاتەکەی دەبێت و لەسەر ئاستی جیهانیش هەوڵی ڕاگرتنی جەنگی نێوان ڕوسیا و ئۆکراینا دەکات، لەهەموو حاڵەتێکدا ئێمە لەکەس ناترسین.