ئاڤا دیجیتاڵ
ئەنجوومەنی وەزیرانی عێراق بڕیاری ناردنی زیاتر لە 618 ملیار دیناری بۆ دابەشکردنی مووچەی مووچەخۆرانی هەرێمی کوردستان دا، ئەم بڕە پارەیە تاوەکو پەسەندکردنی هەمواری یاسای بودجە، مانگانە بۆ هەرێمی کوردستان خەرج دەکرێت.
بۆچی گرنگە: بەغدا لە خەرجی ڕاستەقینەی بودجەی ساڵی 2024، لە چوارچێوەی پشکی هەرێمی کوردستان پارەکە دەنێرێت و قەرز و سولفە نییە، حکومەتی هەرێمی کوردستان کورتهێنانی ئەو بڕەپارەیە تەواو دەکات و مووچەی مووچەخۆرانی پێ دابەش دەکات.
چیرۆکی سەرەکی: هەموو هەفتەیەک، ئەنجوومەنی وەزیرانی عێراق لە ڕۆژانی سێشەممە کۆدەبێتەوە، بەڵام دوێنێ ئەنجوومەنەکە بڕیاری دا کۆبوونەوەکە بەمەبەستی هەموارکردنەوەی یاسای بودجە پێش بخات، ئەمڕۆ یەکشەممە 14-01-2024 ئەنجوومەنی وەزیرانی عێراق بە سەرۆکایەتیی محەممەد شیاع سوودانی، سەرۆکوەزیران کۆبووەوە و بڕیاری ناردنی 618 ملیار و 587 ملیۆن و 29 هەزار و 346 دیناری دا.
لێدوانی فەرمی: باسم عەوادی، گوتەبێژی حکومەتی عێراق ڕایگەیاند "بڕیاردرا بە پارەدارکردنی هەرێمی کوردستان لە چوارچێوەی بودجەی گشتیی فیدراڵی بۆ ساڵی 2024 بە بڕی 618 ملیار و 587 ملیۆن و 29 هەزار و 346 دینار".
شێوازی جێبەجێکردنی: د. ڤیان سەبری، سەرۆکی فراکسیۆنی پارتی دیموکراتی کوردستان لە ئەنجوومەنی نوێنەرانی عێراق بۆ ئاڤا میدیا شێوازی جێبەجێکردنی بڕیارەکەی ڕوونکردەوە "دوای دەرکردنی بڕیارەکە، وەزارەتی دارایی عێراق دەستی بە ڕێکارەکانی ناردنی کردووە و ئەم هەفتەیە پارەکە دەگات".
باکگراوند: هەفتەی ڕابردوو شاندی هەرێمی کوردستان سەردانی بەغدای کرد و لەگەڵ بەرپرسانی حکومەتی عێراق کۆبووەوە، داوای ناردنی ماف و پشکی مووچەی مووچەخۆرانیان کرد.
ئاڤا دیجیتاڵ
Editor
دوایین هەواڵەکان
- کوردستان
- 3 کاتژمێر لەمەوپێش
بۆ یەکلاییکردنەوەی 71 سکاڵا کۆمیسیۆن سێ لیژنە پێکدەهێنیت
- عێراق
- 4 کاتژمێر لەمەوپێش
ئاسایشی عێراق 35 ئەندامی بزووتنەوەی قوربانییەکان دەستگیر دەکات
- کوردستان
- 4 کاتژمێر لەمەوپێش
بەهای کورسی لە هەر بازنەیەک چەندە؟
- کوردستان
- 5 کاتژمێر لەمەوپێش
ئەو كاندیدە دەرچووانەی ناچنە پەرلەمان
هەڵبژاردەکان بۆ تۆ
بەهای کورسی لە هەر بازنەیەک چەندە؟
4 کاتژمێر لەمەوپێش
دەنگی حیزبەکان بەراورد بە سێ هەڵبژاردنی ڕابردوو چەند زیاد و کەمی کردووە؟
6 کاتژمێر لەمەوپێش
دەنگدانی تایبەت بەوێنە
19 تشرینی یەکەم
ڕێکخراوێکی ئەمریکی: عێراق چوارەم وڵاتە لە پێشێلکردنی ئازادیی ئینتەرنێت
17 تشرینی یەکەم
لیستی مووچەی مانگی نۆ ڕاگەیێنرا
17 تشرینی یەکەم
- هەواڵ
- 20 ئەیلوول
یانەی هەولێر بە سەرکەوتن دەستیپێکرد