فازڵ میرانی: بڕیارەکانی دادگەی فیدراڵی زیان بە هەرێمی کوردستان دەگەیێنێت

ئاڤا نیوز

بەرپرسی دەستەی کارگێڕی مەکتەبی سیاسی پارتی پێی وایە بڕیارەکانی دادگەی فیدراڵی عێراق زیان بە هەرێمی کوردستان دەگەیێنێت، پارتیش خۆی بە پارێزەری هەرێمی کوردستان دەزانێت بۆیە لە بڕیارەکان نیگەرانە. 

 

لێدوانی فەرمی: فازڵ میرانی، بەرپرسی دەستەی کارگێڕی مەکتەبی سیاسیی پارتی بە ئاڤا نیوزی ڕاگەیاند، تێبینیان لەبارەی بڕیارەکانی دادگەی فیدراڵی هەیە و بڕیارەکان زیان بە هەرێمی کوردستان دەگەیێنێت و هەڵوێستی فەرمیی پارتیش لەلایەن سەرۆک بارزانییەوە دەبێت.

 

زانیاریی زیاتر: فازڵ میرانی دەڵێت، پارتی خۆی بە پارێزەری سەرەکیی هەرێمی کوردستان دەزانێت، بۆیە لە بڕیارەکانی دادگەی فیدراڵی نیگەرانن.

 

باکگراوند: ڕۆژی 21ـی مانگی ڕابردوو دادگەی فیدراڵی سەرجەم کورسیی کۆتاکانی پەرلەمانی کوردستانی هەڵوەشاندەوە و ژمارەی کورسییەکانی لە 111 کورسییەوە بۆ 100 کورسی کەمکردەوە، ئەمەش کاردانەوەی زۆری بەدوای خۆیدا هێنا.