لەڕێگەی ئاڤاوە کۆمپیوتەرێکی نوێ بۆ گەنجێکی ناحیەی شۆڕش دابینکرایەوە

ئاڤا نیوز

"هێندە حەزم لە کۆمپیوتەرێکی نوێ بوو، زۆر سوپاسی خوا دەکەم لافاوی ناردە ماڵەکەم و بەهۆیەوە کۆمپیوتەرەکەم بۆ نوێ کرایەوە" ئەمە قسەی بەڵێن سیروانە، ئەو گەنجەی لە ناحیەی شۆڕش لافاو کۆمپیوتەرەکەی لێ تێکدابوو.

چیرۆکی سەرەکی: دوو شەو لەمەوبەر لە گەڕەکی پیریادی ناحیەی شۆڕش، لە لایڤێکی ئاڤادا گەنجێک دەرکەوت و وتی، ئەو کۆمپیوتەرەی کارم لەسەری دەکرد لافاو لەکاری خست و بەشیکی برد. چەند گەنجێک دوای ئەوەی لایڤەکەی ئاڤا دەبینن، بڕیاریاندا سێتێکی نوێی کۆمپیوتەر بۆ ئەو گەنجە بکڕنەوە.

لێدوانی فەرمی: ئەمشەو ئاڤا چووە ماڵی بەڵێن سیروان، بەدڵخۆشییەوە قسەی بۆ ئاڤا کرد و گوتی، وێڕای ئەوەی کاری خوێندنم بە کۆمپیوتەرەکەم دەکرد، کاری دیزاینشیم پێ دەکرد و بژێوی ژیانم لەسەری بوو، کاتێک لەدەستمدا بەقەدەر ماڵەکە پێی دڵتەنگبووم، ئێستا بەهۆی ئاڤاوە کۆمپیوتەرێکی نوێم بەدەستهێناوە، خەونەکەم هاتەدی و زۆر سوپاسی خوای گەورە دەکەم لافاوی ناردە ماڵەکەم و بەهۆیەوە کۆمپیوتەرەکەم بۆ نوێ کرایەوە.

دایکی بەڵێن دەڵێت، ئاڤا دڵی کوڕەکەمی زۆر خۆشکرد، کوڕەکەم کۆمپیوتەرەکەی زۆر خۆش دەویست هەر لە منداڵییەوە حەزی لە بەکارهێنانی کۆمپیوتەر بووە.