خۆری ئاڤا دووبارە ژیان بۆ بەشێک لە خێزانەکانە زیانلێکەوتووەکان دەگەڕێنێتەوە

ئاڤا نیوز

بەرنامەی خۆری ئاڤا بۆ ڕۆژی دووەم بە سپۆنسەری دەزگای خێرخوازیی حاجی ئیدریس سورچی لە چەمچەماڵ پێداویستی تەواوی سێ ماڵی دابینکرد و خانوویەکی ڕووخاویش سەرلەنوێ دروست دەکاتەوە.

وێنە گەورەکە: خۆری ئاڤا بەرنامەیەکی ئاڤا میدیایە و بە سپۆنسەری دەزگای خێرخوازیی حاجی ئیدریس سورچی پێشکەش دەکرێت، تێیدا خانوو و پێداویستی ناوماڵ بۆ هەژار و کەمدەرامەت و لێقەوماوان دابین دەکات.

لێدوانی فەرمی: پێشکەشکاری بەرنامەی خۆری ئاڤا، هەژان هێرش لە چەمچەماڵ لەناو خێزانێکی حەوت کەسی کەسوکاری ئەنفالەوە گوتی، خەڵکی چەمچەماڵ بە گەرموکوڕییەوە پێشوازییەکی گەرم لە هاوکارییەکانی ئاڤا دەکەن و ئەمڕۆ لەڕێگەی بەرنامەی خۆری ئاڤا بە سپۆنسەری دەزگای خێرخوازیی حاجی ئیدریس سورچی، پێداویستی تەواوی سێ ماڵمان دابینکرد و خانوویەکی ڕووخاویش سەرلەنوێ دروست دەکەینەوە و سبەی دەست بەکارەکانی دەکرێت.

هەژان هێرش، لە یەکێک لەو ماڵانە بوو کە تەواوی پێداویستییەکانی ناوماڵیان بۆ دابینکراوە، یەکێک لە ئەندامانی خێزانەکە بە دڵخۆشییەوە قسەی بۆ ئاڤا کرد و گوتی، ئەوەی ئاڤا دەیکات کارێکی مرۆڤدۆستانەی زۆر گەورەیە، وەک ئافرەتێک کە باوکم ئەنفال کراوە دووبارە ژیانتان بۆ گەڕاندینەوە و ئاڤا لە بیر ناکرێت.

لەلایەکی دیکەوە: بەهێز سابیر، گوتەبێژی دەزگای خێرخوازیی حاجی ئیدریس سورچی بە ئاڤای گوت، جگە لە بەرنامەی خۆری ئاڤا هەموو ڕۆژێک ئاوی خواردنەوە و خواردنی گەرممان بۆ پێنج سەد خێزان دابینکردووە، لەگەڵ سێ هەزار سەبەتەی خۆراکی.

ئەمەش بزانە: بەرنامەی خۆری ئاڤا، دوێنێ لە ناحیەکانی شۆڕش و تەکیە بوو، خانوو و پێداویستی تەواوی بۆ پێنج ماڵ دابینکرد.