گەنجانی گەڕەکی سێتاقانی هەولێر دوو بارهەڵگر هاوکارییان گەیاندە هەڵمەتەکەی ئاڤا

ئاڤا نیوز

ئەمشەو گەنجانی گەڕەکی سێتاقانی هەولێر، ئەو پێداویستتانەی لە کامپەینەکەی خۆیان کۆیان کردبووەوە بۆ گەیاندنیان بە چەمچەماڵ هێنایان بۆ هەڵمەتەکەی ئاڤا.

چیرۆکی سەرەکی: چەند گەنجێک لە گەڕەکی سێتاقانی هەولێر، دوو ڕۆژە خێمەی کۆکردنەوەی هاوکارییان بۆ زیانلێکەوتووانی چەمچەماڵ هەڵداوە و داوایان لە خەڵک دەکرد هەرچییان لە دەست دێت بۆ خێمەکەیان بێنن، ئەمشەو متمانەیان بە هەڵمەتەکەی ئاڤا کرد و هاوکارییە کۆکراوەکانیان بە دوو بارهەڵگر گواستەوە بۆ بەردەم ئاڤا.

لێدوانی فەرمی: یەکێک لە گەنجەکان بە ئاڤای گوت، متمانەی تەواومان بە هەڵمەتەکەی ئاڤا هەیە، بۆیە هاوکارییەکانمان هینا بۆ ئێرە و دڵنیاین دەگاتە شوێنی خۆی، هاوکارییەکانمان جۆراوجۆرن وەک پارە، بەتانی، جلوبەرگ، یاری منداڵان، جانتای قوتابخانە و هەرچی بۆ ناو ماڵ پێویست بێت هێناومانە و خەڵکی هەولێر و گەڕەکی سێتاقان بەوپەڕی گیانی هاوکاری بەخشیویانە بە خەڵکی چەمچەماڵ.