هاووڵاتییەکی شەقڵاوە پێنج هەزار پێڵاو دەگەیەنێتە هەڵمەتی کۆکردنەوەی هاوکاری ئاڤا

ئاڤا نیوز

هاووڵاتییەکی شەقڵاوە بەشداریی لە هەڵمەتی هاوکاری ئاڤا میدیا کردووە و دەڵێت: بینیم خەڵکی چەمچەماڵ چەند ڕۆژێکە لەناو قوڕ و لیتەی لافاودان، بڕیامدا پێنج هەزار پێڵاو ببەخشمە خەڵکی چەمچەماڵ، شۆڕش و تەکیە.

چیرۆکی سەرەکی: ماوەی دوو ڕۆژە ئاڤا میدیا هەڵمەتێکی میدیایی بۆ کۆکردنەوەی هاوکاری زیانلێکەوتووانی چەمچەماڵ و دەورووبەری دەستپێکردووە، لە کۆتا ساتەکانی هەڵمەتەکەشدا ژمارەی هاوکارییەکان زۆر زیاتر بوون. 

لێدوانی فەرمی: هاووڵاتییەکی قەزای شەقڵاوە کە بە هێنانی پێنج هەزار پێڵاو بەشداریی هەڵمەتی هاوکاری ئاڤا میدیا کرد، گوتی: دوو شەوە بەدیار شاشەی ئاڤاوە فرمێسک لەچاوم ناوەستێت، دەبینم ئەو خەڵکە ئاوا خۆڕاگرە، خۆم نەگرت بۆیە بڕیارمدا بەشداریی لەو هەڵمەتە بکەم. 

ئەمەش بزانە: بڕیارە سبەی یەکشەممە هەموو هاوکارییەکانی ئاڤا میدیا بگاتە قەزای چەمچەماڵ و تەکیە و شۆڕش، ڕاستەوخۆ دەست دەکرێت بە دابەشکردنیان بەسەر زیانلێکەوتووان.