حکومەتی سووریا: هاوپەیمانی نێودەوڵەتیی کەمتەرخەم بوو بەرامبەر هێرشەکەی داعش

ئاڤا نیوز

نورەدین بابا، وتەبێژی وەزارەتی ناوخۆی سووریا دووپاتی کردەوە کە وەزارەتەکەی پێشوەختە هۆشداریی لەبارەی ئەگەری هێرشی داعش دابوو، بەڵام هێزەکانی هاوپەیمانی نێودەوڵەتیی ئەو هۆشدارییەیان لەبەرچاو نەگرتووە.

چیرۆکی سەرەکی: لە ئۆپەراسیۆنێکی هاوبەشی هێزەکانی هاوپەیمانان و هێزە چەکدارەکانی سووریا لە شاری تەدموور دژی داعش، ئەو هێزانە ڕووبەڕووی بۆسەیەکی داعش بوونەوە و لە ئەنجامدا دوو سەربازی سوپای ئەمریکا و وەرگێڕێک کوژران و سێی دیکەش برینداربوون.

لێدوانی فەرمی: نورەدین بابا بە کەناڵی فەرمیی حکومەتی سووریای ڕاگەیاند: پێشتر فەرماندەیی هێزەکانی ئاسایشی ناوخۆ هۆشداریی لەبارەی ئەگەری هێرشی داعش دابووە هاوپەیمانی نێودەوڵەتی، بەڵام ئەوان لەبەرچاویان نەگرتووە. 

- بەدواداچوونمان بۆ شێوازی ئەنجامدانی ڕووداوەکە بەردەوام دەبێت و دڵنیای دەکەینەوەی ئەو کەسەی ئەو کردارە تیرۆریستییەی ئەنجامداوە هیچ پێگەیەکی سەربازی لەناو سوپا نییە. 

لەلایەکی دیکەوە: وەزارەتی بەرگریی ئەمریکا ڕایگەیاند، دوو سەربازی ئەمریکی و وەرگێڕێکی مەدەنی لە ئۆپەراسیۆنێکدا لە دژی داعش لە شاری تەدمووری سووریا کوژراون و سێ سەربازی دیکەش بریندار بوون.