کونسوڵی پێشووی ئەمریکا لە هەولێر پۆستێکی باڵا وەردەگرێت

ئاڤا نیوز 

ڕۆبەرت پالادینۆ، کونسوڵی پێشووی ئەمریکا لە هەولێر لەلایەن ئیدارەی سەرۆک ترەمپەوە پۆستێکی باڵای لە وەزارەتی دەرەوەی ئەمریکا پێدرا.

بڵاوکراوەی فەرمی: لە ڕاگەیێنراوێکدا نووسینگەی کاروباری ڕۆژهەڵاتی نزیک لە وەزارەتی دەرەوەی ئەمریکا بڵاویکردەوە، ڕۆبەرت پالادینۆ وەک بەرپرسی باڵای نووسینگەکەیان و گریگۆری لۆجێرفۆش وەک جێگری یەکەمی یاریدەدەری وەزیر بە وەکالەت و هەروەها جێگری یاریدەدەری وەزیر بۆ دیپلۆماسیی گشتیی بەوەکالەت دەستنیشان کراون.

ئەوەش بزانە: هەر لە ڕاگەیێنراوەکەدا هاتووە، ئەرکی ئەم دوو بەرپرسە بەهێزکردنی هاوبەشییە هەرێمییەکان، پەرەپێدان و زیادکردنی وەبەرهێنانی ئابووری، پشتیوانیکردن و جێبەجێکردنی پلانی ئاشتیی 20 خاڵیی سەرۆک ترەمپ لە غەززە دەبێت.