گەورەترین ئۆپەراسیۆنی دیپۆرتکردنەوە لە مێژووی ئەمریکا دەست پێدەکات

ئاڤا نیوز

ئیدارەی دۆناڵد ترەمپ، سەرۆکی ئەمریکا ڕایگەیاند، وەک یەکەم هەنگاو بۆ دیپۆرتکردنەوەیان، ڕۆژی پێنجشەممە 538 کۆچبەری نایاساییان دەستگیرکردووە.

وێنەگەورەکە: لە دوای دەستبەکاربوونی، دۆناڵد ترەمپ بەڵێنی داوە سەرجەم کۆچبەرە نایاساییەکان دیپۆرتی وڵاتەکانیان بکاتەوە. بۆ ئەم مەبەستە لە ئۆپەراسیۆنێکدا ژمارەیەکی زۆر کۆچبەریان دەستگیرکردووە.

ڕاگەیێنراوی فەرمی: ئیدارەی ترەمپ ڕایگەیاند: ئەمریکا گەورەترین ئۆپەراسیۆنی دیپۆرتکردنەوەی کۆچبەرانی دەستپێکردووە، ئەم ئۆپەراسیۆنە ئەو کۆچبەرانە دەگرێتەوە کە پێشینەی تاوانیان هەیە و بریتین لەوانەی تۆمەتبارن بە بازرگانی کردن بە ماددەی هۆشبەر و دزی کردن و بازرگانیکردن بە چەک و چەندین تاوانی دیکە.

ئەوەی پێویستە بیزانیت: دۆناڵد ترەمپ لە کاتی دەستبەکاربوونیدا، ئیدارەی جۆ بایدن، سەرۆکی پێشووی ئەمریکای تۆمەتبار کرد بە وەرگرینی کۆچبەری نایاسایی و لە یەکەم ڕۆژی دەستبەکاربوونیشیدا فەرمانی دەستگیرکردنی بۆ زیاتر لە 460 کۆچبەر دەرکرد.