ترەمپ ناوی کەنداوی مەکیسکی بۆ کەنداوی ئەمریکا گۆڕی

ئاڤا نیوز

وەزارەتی ناوخۆی ئەمریکا ڕایگەیاند، بە شێوەیەکی فەرمی ناوی 'کەنداوی مەکسیک' بۆ 'کەنداوی ئەمریکا' و هەروەها ناوی 'لوتکەی دینالی' لە ویلایەتی ئالاسکا بۆ 'شاخی ماکینلی' گۆڕیوە. 

 

چیرۆکی سەرەکی: گۆڕینی ناوی ئەم دوورگە و شاخە لە سەر داوای دۆناڵد ترەمپ، سەرۆکی ئەمریکا بووە و لە چوارچێوەی زنجیرە ڕێکارێکی جێبەجێکاری لە چەند کاتژمێر لە دوای دەستبەکاربوونی ترەمپەوە دەستیپێکردووە. ئەمەش بەشێک بووە لە بەجێگەیاندنی ئەو بەڵێنانەی کە ترەمپ لە کاتی بانگەشی هەڵبژاردنەکاندا دابووی.

 

ئەوەی پێویستە بیزانیت: لوتکەی دینالی بەرزترین لوتکەیە لە ئەمریکای باکوور، پێشتر لەبەر ڕێزگرتن لە ویلیام ماکینلی، سەرۆکی پێشووتری ئەمریکا، ناونرابوو بە لوتکەی ماکینلی، بەڵام ساڵی 1975 لەسەر داوای ویلایەتەکە ناوەکەی گۆڕدرا، ئێستا ترەمپ جارێکی دیکە ناوەکەی وەک خۆی لێدەکاتەوە.