زیاتر لە 20 ساڵە خۆبەخشانە لە چیاکانی ئامێدی خزمەتی ژینگە دەکات

ئاڤا نیوز

شڤان سدیق، هاونیشتمانییەکی خەڵکی ئامێدییە، زیاتر لە 20 ساڵە بە خۆبەخشی خزمەتی ژینگەی کوردستان دەکات، ڕۆژانە ئاو و خواردن بۆ ئاژەڵ و باڵندە کێوییەکان دادەنێت و دەیانپارێزێت.

لەو ناوچەیەی ئەو لێی نیشتەجێیە ڕۆژ بە ڕۆژ ژمارەی ئاژەڵە کێوییەکان زیاد دەکەن، ئێستا لە نزیک ماڵەکەی ڕۆژانە زیاتر لە 400 بزنە کێوی دەبینرێن و لە قەدپاڵی چیاکانەوە هاتووچۆ دەکەن.