لیژنەی تەکنیکی پارتی و یەکێتی دوایین کۆبوونەوەیان دەکەن

ئاڤا نیوز

 

لیژنەی تەکنیکی پارتی و یەکێتی بۆ  ڕەشنووسی دەسەڵاتەکانی سەرۆکی هەرێم، سەرۆکی حکومەت، جێگرەکانیان، دەسەڵاتی وەزیر و بریکاری وەزارەتەکان و ئامادەکردنی ڕەشنووسێک بۆ کۆبوونەوەی باڵای نێوانیان لەبارەی دەسەڵاتە ئیداری و داراییەکان کۆدەبنەوە.

 

وێنە گەورەکە: چوار کۆبوونەوەی لیژنەی تەکنیکی پارتی و یەکێتیی لە هەولێر بەڕێوەچووە، لە کۆبوونەوەکانیشیان نەخشەی پێکهێنانی حکومەتی نوێ و شێوازی حوکمرانی گفتوگۆی چڕی نێوانیان بووە، لە کۆبوونەوەی داهاتوو ئەو 15% ـی ڕەشنووسەی ماوە تەواودەکرێت.

 

زانیاریی تایبەت: بەگوێرەی بەدواداچوونی ئاڤا، پێشنیوەڕۆی سبەی چوارشەممە لیژنەی تەکنیکی پارتی و یەکێتیی لە هەولێر، پێنجەمین و دوایین کۆبوونەوەیان دەکەن، بڕیارە لە هەفتەی داهاتووش جارێکی دیکە لەسەر ئاستی باڵا کۆبننەوە.

 

زانیاریی زیاتر: ئەندامانی شاندی تەکنیکی پارتی و یەکێتی لە شەش کەس پێکهاتوون، لە پشتیوان سادق، دڵشاد شەهاب و د.ئومێد سەباح، لە پارتی و شاندی یەکێتیش پێکهاتوون لە د.ڕێواز فایەق، ئامانج رەحیم و شاڵاو شێخ سەڵاح.