دادگەی پێداچوونەوەی عێراق لە بەرژەوەندیی هەرێمی کوردستان بڕیاری دا

ئاڤا نیوز

دادگای پێداچوونەوەی عێراق بڕیار دەددات کە گرێبەستەکانی وەزارەتی سامانە سروشتییەکان لەگەڵ کۆمپانیاکانی نەوت یاسایین و هیچ کێشەیەکیان نییە.

چیرۆکی سەرەکی: دوای بڕیارەکانی دادگای باڵای فیدراڵی عێراق دژ بە یاسای نەوت و گازی کوردستان، ساڵی 2022 دادگای تێهەڵچوونەوەی کەرخ ژمارەیەک بڕیاری وەزارەتی نەوتی عێراقی پەسەند کرد کە چەند گرێبەستێکی نەوتی حکومەتی هەرێمی کوردستانی بە پووچەڵ دانابوو، بەڵام دوای تانەلێدان لەلایەن کۆمپانیاکانی نەوت و وەزارەتی سامانە سروشتییەکان و چەندین دانیشتن، دادگاکە ڕۆژی 18-12-2024 پەشیمانبوویەوە و لە بەرژوەندیی هەرێمی کوردستان چەند بڕیارێکی دەرکرد: 

ئەمەش ناڕەزایەتیی وەزارەتی نەوتی عێراقی لێکەوتەوە و لە دادگای تێهەڵچوونەوەی عێراق تانەی لەم سێ بڕیارە دا.

ڕاگەیێنراوی فەرمی: بەپێی ڕاگەیێنراوێکی وەزارەتی سامانە سروشتییەکانی کوردستان کە ئەمڕۆ بڵاوی کردووەتەوە، دوای مانگێک دادگای پێداچوونەوە سکاڵاکەی ڕەت کردەوە و بڕیارەکانی دادگای کەرخی پەسەند کرد.

بۆچی گرنگە: لەڕووی یاساییەوە یەکلا بووەوە کە گرێبەستەکانی نێوان وەزارەتی سامانە سرووشتییەکان و کۆمپانیاکانی نەوت و غاز لە هەرێمی کوردستان کارایە و دروستە.