کەڵەکەبوونی زبڵ و خاشاک بەرۆکی کەرکووک بەرنادات

ئاڤا نیوز

کەرکوک ساڵانێکە بەدەست کێشەی کۆبوونەوەی زبڵ و خاشاک دەناڵێنێت. ماوەی زیاتر لە هەشت ساڵە هاووڵاتیانی ئەم شارە ناچارن لەگەڵ کەڵەکەبوونی زبڵ و بۆنی ناخۆشدا بژین. شەقامەکان بوونەتە شوێنی کۆبوونەوەی خاشاک و پاشماوە، کە دیمەنێکی ناشیرین و نائاسایی بە شارەکە بەخشیووە.

 

لەوەی لەبارەیەوە دەگوترێت: مام سدیق دانیشتویەکی کەرکووکە، بۆنی ناخۆش و دیمەنی ناشیرینی شارەکە بووەتە بەشێک لە ژیانی ڕۆژانەی، ئەو دەڵێت، "ئێمە چاوەڕێی چارەسەری گونجاوین و ژیان بەم شێوەیە کارەساتە."

 

چارەسەرەکان: ئێستا ئیدارەی پارێزگا دوو گرێبەستی لە گەڵ دوو کۆمپانیای پاکەرەوە بۆ ماوەی سێ ساڵ کردووە و ‎دەبێت ڕۆژانە زیاتر لە 1500 تۆن خۆڵ و خاشاک پاک بکەنەوە.