ئەپیکور پێشوازی لە پەسەندکردنی هەمواری یاسای بودجە دەکات

ئاڤا نیوز

 

کۆمەڵەی پیشەسازی نەوتی کورستان 'ئەپیکور' بەیاننامەیەکی سەبارەت بە پەسەندکردنی هەمواری بودجەی عێراق بڵاوکردەوە و ڕایگەیاند، پێشوازی لە پەسەندکردنی هەمواری یاساکە دەکات.

 

ڕاگەیێنراوی فەرمی: ڕۆژی دووشەممە، 03-02-2025، مایڵز کاگینز، گوتەبێژی کۆمەڵەی پیشەسازی نەوتی کوردستان (ئەپیکور) ڕایگەیاند: پێشوازی لە هەمواری یاسای بودجە لەلایەن پەرلەمانی عێراقەوە دەکەن و سەرنجیان لەسەر گەیشتن بەرێککەوتن دەبێت بۆ دووبارە هەناردەکردنەوەی نەوتی هەرێمی کوردستان لە رێگەی بۆریی عێراق - تورکیاوە. 

 

ئەوەی پێویستە بیزانیت: دوێنێ یەکشەممە، ئەنجوومەنی نوێنەرانی عێراق بۆ دەنگدان لەسەر هەمواری یاسای بودجەی گشتیی فیدراڵی بۆ ساڵەکانی 2023-2024-2025 کۆبووەوە و هەمواری یاساکە پەسەندکرا.

 

بۆچی گرنگە: ئەم هەنگاوە دەرگا لەبەردەم هەناردەکردنەوەی نەوتی هەرێمی کوردستان لەڕێگەی بەندەری جەیهانی تورکیاوە واڵا دەکات و چەندین کێشەی دارایی و ئابووری نێوان هەرێـمی کوردستان  و عێراق چارەسەر دەکات.