
تەیف سامی، وەزیری دارایی عێراق
ئاڤا نیوز
ئاڤا یەکێک لە داواکارییەکانی شاندی هەرێمی کوردستان لە وەزارەتی دارایی فیدراڵی ئاشکرا دەکات، ئەویش گەڕاندنەوەی 100 هەزاری (دەرماڵەی بارگرانی ژیان)ـە. بەڵام تەیف سامی، ڕەتیکردووەتەوە دەرماڵەکە خەرج بکات، بەمەش دەیان هەزار کەس لە 100 هەزار دیناری مانگانە بێبەش دەبن.
وێنە گەورەکە: لە ساڵی 2022 حکومەتەکەی موستەفا کازمی بڕیاریدا بڕی 100 هەزار دینار بۆ چوار توێژ خەرج بکات وەک دەرماڵەی بارگرانی ژیان. بڕیارەکە بەمجۆرە بوو: یەکەم بڕی 100 هەزار دینار ئەو خانەنشینانەی مووچەکەیان لە ملیۆنێک دینار کەمترە، دووەم ئەو فەرمانبەرانەی مووچەکەیان لە 500 هەزار دینار کەمترە. سێیەم ئەوانەی لە چاودێریی کۆمەڵایەتی [سەرجەم خاوەن پێداویستە تایبەتییەکان] ناویان تۆمارکراوە، چوارەمیش لەگەڵ ئەوانەی هیچ داهاتێکیان نییە.
زانیاریی تایبەت: سەرچاوەیەک لە شاندی هەرێمی کوردستان ناوەرۆکی ئەم داواکاریەی ئاشکرا کردووە. کاتێک لە چەند ڕۆژی ڕابردوودا کاتێک شاندی هەرێمی کوردستان لەگەڵ وەزارەتی دارایی عێراق لە گفتوگۆ بوون بۆ ڕێککەوتن لەسەر مووچەی فەرمانبەران، یەکێک لە داواکارییەکانی شاندی هەرێمی کوردستان ئەوە بووە، ئەو 100 هەزار دینارەی خەڵکی هەرێمی کوردستانیش بگرێتەوە، داواکارییەکە ئاراستەی تەیف سامی، وەزیری دارایی کراوە. لیستی مووچەش کاتێک لە هەولێر ئامادە کراوە، حیسابی ئەو 100 هەزارە کراوە و مووچەی فەرمانبەران و خانەنشینان لەسەر ئەم بنەمایە دانراوە.
بۆچوونی لایەنی بەرامبەر: تەیف سامی لە وەڵامی شاندی کوردستان گوتویەتی کە داواکارییەکە لە لیستەکە دەربهێنن، چونکە ئەمە تەنیا بڕیاری ئەنجوومەنی وەزیرانە و هیچ یاسایەکی پەرلەمانی لە پشت نییە. تەیف سامی ئەوەشی بە شاندی کوردستان ڕاگەیاندووە، "ناتوانم ئەو پارەیە خەرج بکەم، بۆیە نەتوانراوە داواکارییە جێبەجێ بکرێت".
زانیاریی زیاتر: ئەم داواکارییەی شاندی هەرێمی کوردستان هیوایەک بوو بۆ هاوتاکردنی مووچەی کەمئەندامان و خاوەن پێداویستییە تایبەتەکان، کە لە کوردستان زۆرترین مووچەیان 150 هەزار دینارە و لە عێراقیش کەمترین مووچەیان 250 هەزار دینارە، بەم دەرماڵەیە کە 100 هەزارە بۆیان خستوونەتە سەر و بووەتە 250 هەزار، بەڵام ئەمساڵ لە کوردستان مووچەیان هەر وەکو خۆیان دەبێت و زیاد ناکرێت.
زیاتر لەسەر ئەم بابەتانە بکۆڵەرەوە

ئاڤا دیجیتاڵ
Editor
دوایین هەواڵەکان
- عێراق
- 20 خولەک لەمەوپێش
دادگای فیدڕاڵی سکاڵایەکی تایبەت بە زمانی کوردیی ڕەتدەکاتەوە
- جیهان
- 58 خولەک لەمەوپێش
دۆناڵد ترەمپ نایەوێت ئیلۆن مەسک لە کۆبوونەوەکان بەشداربێت
هەڵبژاردەکان بۆ تۆ
لە ئەزهەری کوردستان 53 فەقێ مۆڵەتی مەلایەتییان وەرگرت
16 کاتژمێر لەمەوپێش
وەزیری كارەبا: تا ساڵی 2026 تەواوی هەرێمی کوردستان دەبێتە خاوەنی کارەبای 24 کاتژمێری
17 شوبات
دوو هاوسەر لە هێرشی "ڕەوە گورگێک" لە گۆمی فيڵاو ڕزگار دەکرێن
16 شوبات
48 کوڕ و کچی کارمەندی دەرمانخانەیەکی هەولێر ژیانی هاوسەرگیری پێکدەهێنن
16 شوبات
پۆڵەندا لە پێشەنگی وڵاتانی جیهاندایە بۆ کڕینی زێر
16 شوبات
- بزنس
- 5 کاتژمێر لەمەوپێش
دادگای فیدراڵی یاساییبوونی پڕۆژەی هەژماری من دووپات دەکاتەوە
- بزنس
- 6 کاتژمێر لەمەوپێش
پارێزگاری بانکی ناوەندیی: هەڵاوسان بۆ 3% دابەزیوە
- بزنس
- 16 کاتژمێر لەمەوپێش
ڕێباز حەملان: هەرێمی کوردستان پابەندییەکانی خۆی لەبارەی مووچە جێبەجێ کردووە
- بزنس
- 16 کاتژمێر لەمەوپێش
هەڵوێستی هەژماری من لەبارەی بڕیارەکەی دادگای فیدراڵی: پێشوازی لێدەکەین
- بزنس
- 19 کاتژمێر لەمەوپێش
دوای بەدواداچوونی ئاڤا؛ وەزیری دارایی چەند بڕیارێک دەردەکات
- بزنس
- 19 کاتژمێر لەمەوپێش
عێراق بۆ دابینکردنی مووچە ڕووبەڕووی کێشە دەبێتەوە؟