زیاتر لە 216 هەزار کەس ڕەزامەندی وەرگرتنی زەوییان پێدرا

ئاڤا نیوز

ئەنجوومەنی وەزیران ڕەزامەندی لەسەر پێدانی زەوی بە 216 هەزار و 262 فەرمانبەر و خانەنشین دەربڕی.

ئەوەی پێویستە بیزانیت: پێدانی زەوی ئەمجارە زیاتر لە 20 وەزارەت و فەرمانگە دەگرێتەوە کە پێشووتر زەوییان وەرنەگرتووە، بۆ یەکەمجاریش پێدانی زەوی پێشمەرگە و زێرەڤانی و پۆلیس و فەرمانبەر وکارمەندانی وەزارەتەکانی ناوخۆ و پێشمەرگە دەگرێتەوە، لەم 216 هەزار ناوەش زۆربەیان مامۆستا و فەرمانبەری وەزارەتی پەروەردەن.

لێدوانی فەرمی: سەربەست مەولوود، بەڕێوەبەری كاروباری یاسایی لە وەزارەتی شارەوانی بە ئاڤای ڕاگەیاند: پێدانی زەوی لە وەزارەتەکانی پێشمەرگە و ناوخۆ 64 هەزار کەس دەگرێتەوە و لەو ژمارەیە نۆ هەزاریان پێشمەرگەرن.

ئەمەش بزانە: ناوی 216 هەزار کەسەکە بەپێی شوێنی نیشتەجێبوون و كارتی زانیاری، بە قۆناغ لە وەزارەتی شارەوانی دەدرێتە شارەوانییەکان لە پارێزگاکان و ئیدارە سەربەخۆکان بۆ ئەوەی زەوییان بۆ تەرخان بكرێت، هەر کەسێکیشییان زەوییەكی 200 مەتری پێ دەدرێت.

زانیاریی زیاتر: شارەوانییەکان سەرقاڵی ئامادەکردنی زەوین، بەشێکی زۆری ئامادەکارییەکان تەواو بوون، تەنیا ماوەتەوە سەر ئەوەی فۆرمەکانیان بۆ بێتەوە و دەست بکەن بە تیروپشک.

لە قۆناغی دووەم ئەو وەزارەتانەی کە زەوییان پێدەدرێت، ئەمانەن:

وەزارەتی پەروەردە: 88 هەزار و 79 کەس.

وەزارەتی ناوخۆ: 64 هەزار و 68 کەس.

وەزارەتی خوێندنی باڵا: 16 هەزار و 820 کەس.

وەزارەتی پێشمەرگە: نۆ هەزار و 165 پێشمەرگە.

وەزارەت و فەرمانگەکانی دیکە: 38 هەزار و 138 کەس.

هەزار کەس ڕەزامەندی وەرگرتنی زەوییان پێدرا
زیاتر لە 20 وەزارەت و فەرمانگە سوودمەند دەبن
ئاڕاستەی شارەوانییەکان دەکرێت بۆ تەرخانکردنی زەوی