وەزارەتی خوێندنی باڵا لەبارەی پشووی زانکۆکان بڕیار دەدات

ئاڤا نیوز

بەهۆی شەپۆلی بەفربارین و سەرما، لە سلێمانی، ڕانیە، پشدەر و حاجی ئۆمەران، لە ناوەندەکانی خوێندن کرا بە پشووی فەرمی و لە هەندێک شار و ناوچەی دیکەش پەروەردەکان سەرپشککراون کە بەپێی هەلومەرجی ناوچەکانیان پشوو ڕابگەیەنن.

وێنە گەورەکە: بەپێی پێشبینییەکانی کەشناسی، کەشوهەوای ڕۆژی یەکشەممە بە گشتی ئاسمان پەڵە هەور و نیمچە هەور دەبێت، پلەکانی گەرماش زیاتر نزم دەبنەوە و ئەمەش وایکردووە لە پێناو سەلامەتی قوتابیان و مامۆستایان لە بەشێکی ناوەندەکانی خوێندن پشووی فەرمی ڕابگەیێنرێت.

ڕاگەیێنراوی فەرمی: وەزارەتى خوێندنى باڵا و توێژینەوەى زانستى سەرۆکی زانکۆ حکومی و تایبەتەکانی سەرپشککردووە کە بەپێی هەلومەرجی کەشوهەوا لە ناوچەکانیان پشوو بۆ قوتابییان ڕابگەیەنن و دەوام ڕابگرن.