زێلێنسکی: پووتین لە ترەمپ دەترسێت

ئاڤا نیوز

 

ڤۆلۆدیمێر زێلێنسکی، سەرۆکی ئۆکراینا ڕایدەگەیێنێ، لە دیدارێکیدا لەگەڵ دۆناڵد ترەمپ، سەرۆکی ئەمریکا بە ناوبراوی گوتووە کە "ڤلادیمێر پووتین، سەرۆکی ڕووسیا لێت دەترسێت".

 

وێنە گەورەکە: ڤۆلۆدیمێر زێلێنسکی، سەرۆکی ئۆکراینا لە پەراوێزی "کۆنفرانسی ئاسایشی میونشن" چاوپێکەوتنێکی ئەنجامدا و تێیدا باسی لە دوایین پێشهاتەکانی ئۆکراینا کرد و بۆچوونی خۆی سەبارەت بە ئامادەیی ڕووسیا بۆ کۆبووونەوە و کۆتاییهێنان بە جەنگ دەربڕی.

 

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا لە بەشێک لە وتەکانیدا وتی: ئەوەی ڤلادیمێر پووتینی ناچار بە گفتگۆو دانوستاندن کردووە ویستی ئەو نییە بۆ کۆتاییهێنان بە جەنگ، بەڵکو ترسی پووتینە لە ترەمپ و ئەوەشم بە دۆناڵد ترەمپ وتووە کە " پوتن لە تۆ دەترسێت".

 

ئەوەی پێویستە بیزانیت: دۆناڵد ترەمپ، سەرۆکی ئەمریکا و ڤلادیمێر پووتین، سەرۆکی ڕووسیا ڕێککەوتوون لە سەر ئەنجامدانی کۆبوونەوە بۆ کۆتاییهێنان بە جەنگی نێوان ئۆکراینا و ڕووسیا بەڵام کۆبوونەوەکە بەبێ ئامادەبوونی ڤۆلۆدیمێر زیلێنسکی، سەرۆکی ئۆکراینا ئەنجام دەدرێت.