لە هیندستان بەهۆی پاڵەپەستۆیەکی زۆر لە وێستگەیەکی شەمەندەفەر 18 کەس گیانیان لەدەستدا

ئاڤا نیوز

دوای بوونی پاڵەپەستۆیەکی زۆر لە وێستگەیەکی شەمەندەفەری نیودەلهی لە هیندستان، لانیکەم 18 کەس گیانیان لەدەستدا

چیرۆکی سەرەکی: لە وێستگەیەکی شەمەندەفەر لە نیودەلهی پایتەختی هیندستان پاڵەپەستۆیەکی زۆر درووستبوو، لەکاتێکدا هەزاران کەس لەم وێستگەیە کۆبوونەوە و چاوەڕێی شەمەندەفەر بوون بۆ چوونە فێستیڤاڵێکی ئاینیی هیدنۆسی، کە بەهۆیەوە لانیکەم 18 کەس گیانیان لەدەستدا و 14ـەیان ژنن.

لێدوانی فەرمی: دەسەڵاتداران ڕایانگەیاندووە، ڕووداوەکە دوای ئەوە ڕوویداوە کە بەشێک لە سەرنشینەکان لەکاتی دابەزینیان لە پردێکی پیادە کە سەکۆکانی شەمەندەفەرەکان بەیەکەوە دەبەستێتەوە، خلیسکان و کەوتنە خوارەوە ڕوویداوە و ئاڵۆزی و قەرەباڵغی زیاتر لە شوێنەکە دروست بووە.

زۆرێک لە قوربانییەکان کەسانی دینداری هیندۆسی بوون کە گەشتیان دەکرد بۆ فێستیڤاڵی ماها کومب لە پرایاگراج لە باکووری هیندستان.

زانیاریی زیاتر: ئەم فێستیڤاڵە بە گەورەترین فێستیڤاڵ دەدانرێت لە جیهاندا و هەر 12 ساڵ جارێک لە هیندستان ئەنجام دەدرێت.

باکگراوند: مانگی ڕابردوو لە فێستیڤاڵێکدا کە شەش هەفتەی خایاند، لانیکەم 30 کەس گیانیان لەدەستدا، دوای ئەوەی دەیان ملیۆن هیندۆس بۆ خۆ نوقمکردن لە ئاوی ڕووبارەکاندا کۆبوونەوە.