کۆریای باشوور دیپسیک قەدەغە دەکات

ئاڤا نیوز

 

 کۆریای باشوور ڕایگەیاند، ئەپی 'دیپسیک'ی چینی لە وڵاتەکەیان قەدەغە دەکەن، تاوەکو ئەپەکە پێداچوونەوە بە مامەڵەکردن لەگەڵ زانیارییەکانی بەکارهێنەراندا دەکات.

 

زانیاری بەدەستهاتوو: ئاژانسی هەواڵی یۆنهاب ڕایگەیاند، لیژنەی پاراستنی زانیاریی کەسی لە کۆریای باشوور، دابەزاندنی ئەپی زیرەکی دەستکردنی چینی ' دیپسیک' یان ڕاگرتووە و بەردەست نابێت بۆ دابەزاندن لە وڵاتەکەیاندا، ئەمەش بەهۆی نیگەرانییەکانی ئەو وڵاتە سەبارەت بە کۆکردنەوە زانیاریی تایبەت و کەسی. 

 

پێدراوە ڕاستەکان: لە ڕۆژی شەممەوە لە کۆریای باشوور ناتوانرێت ئەپە داببەزێنرێت و ڕاگیراوە و دەسەڵاتدارانی کۆریای باکوور داوا لە هاووڵاتییانی دەکەن بە وریایەوە ئەو ئەپە بەکاربهێنن، تا ئەو کاتەی کۆمپانیا چینیەکە بە کارەکانی دا بچێتەوە سەبارەت بە زانیارییە کەسییەکان.

 

لەلایەکی دیکەوە: ئوسترالیا دیپسیکی لە سەرجەم دامەزراوە حکومییەکان قەدەغە کردووە و هاوکات دەسەڵاتدارانی ئەمریکاش پڕۆژە یاسایەکیان پێشنیاز کردووە بۆ قەدەغەکردنی بەکارهێنانی لە وڵاتەکەیاندا.

 

ئەوەی پێویستە بیزانیت: ئەپی دیپسیک تەنیا بە پێنج ملیۆن و 600 هەزار دۆلار پەرەی پێدراوە، بە پێچەوانەی کۆمپانیا ئەمریکییەکانی دیکەی هاوشێوەی کە تێچوویان ملیاران دۆلارە.