ئەمریکا و ڕووسیا لەسەر ئاستی باڵا لە سعودییە کۆدەبنەوە

ئاڤا نیوز

 

دوای چەندین ساڵ لە ناکۆکییەکانی نێوانیان ئەمریکا و ڕووسیا لەسەر پرسی ڕاگرتنی جەنگی ئۆکراینا کۆدەبنەوە. 

 

وێنە گەورەکە: دوای دەستپێشخەرییەکی سەرۆکی نوێی ئەمریکا، بڕیارە ئەمڕۆ ترەمپ و پووتین دەربارەی پەیوەندیی وڵاتەکانیان و پرسی کۆتاییهێنان بە جەنگی ئۆکراینا لە سعودییە کۆببنەوە.

 

زانیاریی زیاتر: شاندەکەی ڕووسیا پێکهاتوون لە وەزیری دەرەوەی ڕووسیا و و یوری ئوشاکۆڤ، ڕاوێژکاری کاروباری دەرەوەی پووتین، لە بەرامبەریشدا شاندەکەی ئەمریکا پێکهاتوون لە مارکۆ ڕۆبیۆ، وەزیری دەرەوەی ئەمریکا و ستیڤ ویتکۆف، نوێنەری ترەمپ بۆ کاروباری ڕۆژهەڵاتی ناوەڕاست و مایک والتز، ڕاوێژکاری ئاسایشی نیشتمانی ئەمریکا.

 

لێدوانی فەرمی: ڤۆلۆدیمیر زێلێنسکی، سەرۆکی ئۆکراینا ڕایگەیاند، بە گومانە لە هەنگاوەکان و داوای لە دۆناڵد ترەمپ کردووە متمانە بە پووتین نەکات.

 

لەلایەکی دیکەوە: دمیتری پیسکۆڤ، وتەبێژی کریملین ڕایگەیاند، گفتوگۆ نێوان ئەمریکا و ڕووسیا لە سعودییە تیشک دەخاتە سەر دووبارە گەڕاندنەوەی پەیوەندییەکانی دوو وڵاتەکە، هەروەها ئامادەکارییەکە بۆ دەستپێکردنەوەی گفتوگۆکان سەبارەت بە دۆخی ئۆکراینا و کۆبوونەوەی سەرۆک پووتین و دۆناڵد ترەمپ سەرۆکی ئەمریکا.

 

بۆچوونی لایەنی بەرامبەر: ستیڤ ویتکۆف، نوێنەری ترەمپ بۆ ڕۆژهەڵاتی ناوەڕاست ڕایگەیاند، لەگەڵ واڵتز، ڕاوێژکاری ئاسایشی نیشتمانی ئەمریکا لە ژێر ڕێنمایی سەرۆک ترەمپ لەگەڵ ڕووسیا کۆدەبنەوە و هیوادارن سەبارەت بە دۆخی نێوان ڕووسیا و ئۆکراینا بەرەوپێشچوون دروست ببێت.