حەوت حیزبی هەرێمی كوردستان دەیانەوێت هاوپەیمانی پێكبهێنن

ئاڤا نیوز

حەوت حیزبی هەرێمی کوردستان هەوڵدەدەن بۆ هەڵبژاردنی پەرلەمان هاوپەیمانێتییەک درووست بکەن، ئەندامێکی مەکتەبی سیاسی حیزبی شیوعی کوردستانیش دەڵێت "گۆڕان وەڵامی نەداونەتەوە بۆ کۆبوونەوە".

لێدوانی فەرمی: هەندرێن ئەحمەد، ئەندامی مەکتەب سیاسی حزبی شیوعی کوردستان بە ئاڤا نیوزی ڕاگەیاند: وەک ئامادەکاری بۆ پێکهێنانی هاوپەیمانی بۆ هەڵبژاردنی پەرلەمانی کوردستان بڕیارە سبەی حەوت حیزب لەسەر ئاستی کەسی یەکەم کۆببینەوە ، کۆبوونەوەکەش کۆبونەوەیەکی ڕاوێژکاری دەبێت .

ئەوەی پێویستە بیزانیت: حیزبەکان بریتین لە پارتی سۆسیال دیموکراتی کوردستان ، پارتی پارێزگارانی کوردستان ، پارتی کرێکاران و رەنجدەرانی کوردستان ، یەکێتی نەتەوەیی دیموکراتی گەلی کوردستان ، بزوتنەوەی دیموکراتی گەلی کوردستان ، حزبی زەحمەتکێشانی کوردستان و حیزبی شیوعی کوردستان .

زانیاریی زیاتر: بزوتنەوەی گۆڕان وەڵامی بەشداریکردنی لە کۆبوونەوە نەداوەتەوە ، ئەگەر هەیە لایەنی دیکەش بەشداری کۆبونەوەکە بکەن .

باکگراوند: لەلایەن سەرۆکی هەرێمی کوردستانەوە ڕۆژی 10-06-2024، بۆ هەڵبژاردنی داهاتووی پەرلەمانی کوردستان دیاریکرا، ڕۆژی دووشەممە کۆمیسیۆن ڕێنمایی بەشداریی لیست، قەوارە و بەربژێرانی ڕاگەیاند.