کۆمپانیای دەلتا قەرەبووی ماددی سەرنشینانی فڕۆکەیەکی تێکشکاوی دەکاتەوە

ئاڤا نیوز

ئەو فڕۆکەیەی لە تۆرینتۆی کەنەدا لە کاتی نیشتنەوەی تێکشکا سەرنشینەکانی قەرەبووی ماددی دەکرێنەوە.

چیرۆکی سەرەکی: ڕۆژی سێشەممە 2025-02-18، فڕۆکەیەکی هێڵی ئاسمانی دەلتا لە فڕۆکەخانەی پیرسۆنی شاری تۆرینتۆی کەنەدا لەکاتی نیشتنەوەدا بەهۆی خراپی کەشوهەواوە تووشی پێکدادان دەبێت هاوکات لە کۆی 80 سەرنشین 18 سەرنشینیان بریندار بوون، کۆمپانیای دەلتا ئەمڕۆ بڕیاریدا قەرەبووی ماددی سەرنشینەکانی ئەو فڕۆکەیە بکاتەوە.

ڕاگەیێنراوی فەرمی: کۆمپانیای دەلتا ئیرلاین ڕایگەیاند: وەک داوای لێبوردنێک لە سەرنشینانی ئەو فڕۆکەیەمان قەرەبووی ماددیان دەکەینەوە بە بڕی 30 هەزار دۆلار بۆ هەر سەرنشینێک.

زانیاریی زیاتر: بەهۆی خراپی کەشوهەواوە فڕۆکەکە لە فڕۆکەخانەی تۆرینتۆی کەنەدا لەکاتی نیشتنەوەی کۆنترۆڵی لەدەستدا.