فەرەنسا هاوسەرگیری لە کۆچبەران قەدەغە دەکات

ئاڤا نیوز

 

ئەنجوومەنی پیرانی فەرەنسا بڕیاریدا هاوسەرگیری لەو کۆچبەرانە قەدەغە بکات کە ناویان لەلایەن حکومەتی فەرەنساوە تۆمار نەکراوە.

 

وێنە گەورەکە: یاسای قەدەغەکردنی هاوسەرگیری لەو کۆچبەرانەی تۆمار نەکراون لەلایەن برۆنۆ ڕیتایلۆ، وەزیری ناوخۆی فەرەنسا و جیراڵد دارمانین، وەزیری دادی فەرەنسا پشتگیری دەکرێت، لە خوێندنەوەی یەکەمدا لەلایەن ئەنجوومەنی پیرانی فەرەنسا بە دەنگی 227 بەڵێ و 110 دەنگی نەخێر پەسەندکرا.

 

زانیاریی زیاتر: دەسەڵاتدارانی فەرەنسا دەیانەوێت سیاسەتی کۆچبەران و کۆنتڕۆڵکردنی سنوورەکانی فەرەنسا توندتر بکەن ئەمەش بۆ ڕێگریکردن لە کۆچی نایاسایی بۆ ئەو وڵاتە.

 

ئەوەی پێویستە بیزانیت: یاسای قەدەغەکردنی هاوسەرگیری لە کۆچبەران دوو قۆناغی دەستووری ماوە بۆ ئەوەی بە تەواوەتی لە فەرەنسا کاری پێبکرێت، سەرەتا دەبێت لە ئەنجوومەنی نیشتمانی فەرەنسا پەسەند بکرێت و دواتریش ئیمانوێل ماکرۆن، سەرۆکی فەرەنسا پەسەندی بکات.