ئەمریکا 177 کۆچبەری نایاسایی ڕەوانەی ڤەنزوێلا دەکاتەوە

ئاڤا نیوز 

 

ئەمریکا لەڕێگەی فڕۆکەیەکی ڤەنزوێلاوە 177 کۆچبەری نایاسایی لە زیندانەکانی گوانتانامۆوە گەڕاندووەتەوە ئەو وڵاتە. 

 

ڕاگەیێنراوی فەرمی: دەزگای کۆچبەران و گومرگی ئەمریکا ڕایگەیاند، کۆچبەرەکان سەرەتا لە زیندانی گوانتانامۆوە نێردراون بۆ هیندۆراس و دواتر لەوێوە براونەتەوە بۆ ڤەنزوێلا.

 

لێدوانی فەرمی: نیکۆلاس مادۆرا، سەرۆکی ڤەنزوێلا ڕایگەیاند، ئەو کۆچبەرانەی لە ئەمریکا گەڕێندراونەتەوە بۆ ڤەنزوێلا تاوانبارن نین و کەسانی خراپ نین، بەڵکو ئەوان ئەو کەسانەن کە لە ئەنجامی سەپاندنی سزاکانی ئەمریکاوە لە ڤەنزوێلاوە بۆ ئەمریکا کۆچیان کردووە.

 

زانیاریی زیاتر: سەدان کۆچبەر لە چوارچێوەی بڕیارێکی دۆناڵد ترەمپ، سەرۆکی ئەمریکا ڕەوانەی زیندانی گوانتانامۆ کراون، بەڵام لەو کاتەوە زۆربەیان بە فڕۆکە ڕەوانەی وڵاتەکانیان کراونەتەوە، لەکاتێکدا دەیان ساڵە زیندانەکە تایبەت بووە بە زیندانیکردنی ئەو کەسانەی بە دۆسیەی تیرۆر لەلایەن ئەمریکاوە سزادراون.