هاووڵاتییان دەتوانن لەڕێگەی ئەلیکترۆنییەوە نۆرەی پاسپۆرت دابنێن

ئاڤا نیوز 

 

بەڕێوەبەرایەتیی پاسپۆرتی هەولێر هاووڵاتییان ئاگادار دەکاتەوە، دەتوانن بە شێوەی ئەلیکترۆنی نۆرەی پاسپۆرت دابنێن.

 

ڕاگەیێنراوی فەرمی: بەڕێوەبەرایەتیی پاسپۆرتی هەولێر ڕایگەیاند: سیستەمی ئەپلیکەیشنی نۆرەگرتنی ئەلیکترۆنی کارایە، هاووڵاتیان دەتوانن نۆرە بۆ پاسپۆرتی ئەلیکترۆنی لە ھەر چوار نووسینگەی سنووری پارێزگای ھەولێر دابنێن.

-نووسینگەی یەکی پاسپۆرتی پارێزگای هەولێر.
-نووسینگەی دووی پاسپۆرتی پارێزگای هەولێر.
-نووسینگەی پاسپۆرتی سۆران.
-نووسینگەی پاسپۆرتی کۆیە.

 

ئەوەی پێویستە بیزانیت: دانانی نۆرە لە ڕێگای ئەپلیکەیشنی (الجواز العراقي ) دەبێت، لە ڕێگای مۆبایلەوە کە بۆ هەردوو سیستەمی ئاندرۆید و ئای ئۆ ئێس بەردەستە، یان لە رێگای ویبسایت دەتوانن نۆرە بۆ خۆت و ئەندامانی خێزانەکەت دابنێنن، کات و رۆژی سەردانت دیاری دەکەیت، لە کۆتاییدا بارکۆدێکت بۆ دیار دەکەوێت وێنەی بگرە، لە مۆبایلەکەت ھەلیگرە، رۆژی سەردانیکردنت بۆ ڕایی کردنی مامەڵەکەت بەکاردێت.

 

بۆ دەرکردنی پاسپۆرت چیمان پێویستە؟

 

-کارتی بانکی، ماستەر کارد یان ڤیزا کارد پێ بێت لەکاتی سەردانیکردن و بەناوی خۆت بێت، پارەی بە دیناری عیراقی تێدابێت بۆ پێدانی ڕسوومات کە بڕەکەی 91 هەزار دینارە.

-کارتی نیشتمانی ڕەسەن مەرجە بۆ دەرهێنان و نوێکردنەوەی پاسپۆرت، پاسپۆرتی کۆن ئەگەر مامەڵەکەت بۆ نوێکردنەوەی پاسپۆرت بێت.

-ئەو ھاوولاتیانەی نۆڕەیان بۆ شەفتی ئێوارەیە، پێویستە دوو کاتژمێر پێش کاتی نۆرەکەی لە نووسینگەی پاسپۆرت ئامادەبیت بۆ ڕایی کردنی مامەڵەکەت.

-بۆ خوار 18 ساڵ پێویستە باوک (وەلی ئەمر) خۆی ئامادەبێت لەکاتی جێبەجێکردنی مامەڵەی و وەرگرتنەوە.

 

لێرەوە دەتوانن نۆرە بگرن: کلیک بکە